1 An paagi kun paano an manga disipulos, na inapod na manga elder kan simbahan, nag-orden nin manga padi asin manga paratukdo—

2 Pagkatapos na sinda makapamibi sa Ama sa pangaran ni Cristo, saindang ibinugtak an saindang manga kamot sa sainda, asin nagsabi:

3 Sa pangaran ni Jesu-Cristo sakuyang inoordenan ika na maging sarong padi (o kun siya sarong paratukdo, inoordenan ko ika na maging sarong paratukdo) na maghulit nin pagsolsol asin kapatawaran nin manga kasalan sa paagi ni Jesu-Cristo, sa pakatagal sa pagtubod sa saiyang pangaran sagkod sa katapusan. Amen.

4 Asin sa siring na paagi sinda nag-orden nin manga padi asin manga paratukdo, sunod sa manga balaog asin manga pangapodan kan Dios sa manga tawo; asin saindang inordenan sinda sa kapangyarihan kan Espiritu Santo, na yaon sainda.