Seksyon 129
Mga instruksyon nga ginhatag ni Joseph Smith nga Propeta sa Nauvoo, Illinois, ika-9 sang Pebrero 1843 nga nagapahibalo sang tatlo ka panguna nga mga yabi nga paagi sini makilala ang husto nga kinaiya sang nagaalagad nga mga anghel kag mga espiritu.
1–3, May mga nabanhaw kag mga lawas nga espiritu sa langit; 4–9, Ang mga yabi ginhatag nga paagi sini ang mga mensahero halin sa pihak sang belo mahimo nga makilala.
1 May duha ka klase sang mga tinuga sa langit nga amo ang: Mga anghel nga nabanhaw nga mga persona nga may mga lawas nga unod kag mga tul-an—
2 Halimbawa, si Jesus nagsiling: Hikapa ninyo ako, kag tan-awa; kay ang espiritu wala’y unod kag mga tul-an subong sang ginatan-aw ninyo nga ako may akon.
3 Ika-duha: ang mga espiritu sing matarong nga mga tawo nga ginhimo nga perpekto, sila nga wala nabanhaw apang nagpanubli sing amo man nga himaya.
4 Kon ang isa ka mensahero magpalapit nga nagasiling nga may mensahe sia halin sa Dios, idaho sa iya ang imo kamot kag pangabaya sia nga magkamustahanay kamo.
5 Kon sia isa ka anghel himuon niya ini, kag mabatyagan mo ang iya kamot.
6 Kon sia ang espiritu sing isa ka matarong nga tawo nga ginhimo nga perpekto magaabot sia sa iya himaya; kay ini lamang ang paagi nga makapakita sia—
7 Pangabaya sia nga magkamustahanay kamo apang indi sia maggiho bangod batok sa mando sang langit nga ang isa ka matarong nga tawo magpatalang; apang ihambal niya sa gihapon ang iya mensahe.
8 Kon ini ang yawa bilang anghel sang kasanag, kon pangabayon mo sia nga magkamustahanay kamo idaho niya ang iya kamot, kag wala ka sang mabatyagan; gani mahimo mo sia makilala.
9 Ini ang tatlo ka panguna nga mga yabi nga paagi sini mahibaloan mo kon bala ang bisan ano nga sahi sang pag-alagad halin sa Dios.