Seksyon 26
Rebelasyon nga ginhatag kanday Joseph Smith nga Propeta, Oliver Cowdery, kag John Whitmer, sa Harmony, Pennsylvania sang Hulyo 1830 (tan-awa sa introduksyon sang seksyon 24).
1, Ginsugo sila sa pagtuon sang balaan nga mga kasulatan kag sa pagwali; 2, Ang layi sang pagsugot sang kadam-an ginpalig-on.
1 Tan-awa, ginasiling ko sa inyo nga ihatag ninyo ang inyo tion sa pagtuon sang balaan nga mga kasulatan, kag sa pagwali, kag sa pagkompirma sang mga miyembro sang simbahan sa Colesville, kag sa paghikot sang inyo mga buluhaton sa pag-uma sang duta suno sa kon ano ang kinahanglanon, antes kamo maglakat pa-weste agud maghiwat sang madason nga komperensya; kag dayon ipahibalo sa inyo kon ano ang inyo himuon.
2 Kag ang tanan nga butang pagahimuon pagkatapos nga makompirma ang pagsugot sang kadam-an sa simbahan, paagi sa tuman nga pagpangamuyo kag pagtuo, kay ang tanan nga butang mabaton ninyo paagi sa pagtuo. Amen.