Ɔfã 40
Nyikyerɛ a wɔdze maa Joseph Smith Nkɔnhyɛnyi no na Sidney Rigdon, wɔ Fayette, New York, Sanda 6, 1831. Ansaana wɔrebɛkyerɛw dɛm nyikyerɛ yi no, Nkɔnhyɛnyi no n’abakɔsɛm no kã dɛ, “Osiandɛ James Covel poow Ewuradze n’asɛm no ntsi, na ɔfaa ne fapem dadaw no do na ɔsanee kɔr no nkorɔfo nkyɛn no, Ewuradze dze nyikyerɛ yi maa emi na Sidney Rigdon” (hwɛ ɔfã 39).
1–3, Atseetsee ho suro nye wiadze yi mu akɔdadwen ntsi na ɔma wɔpow asɛmpa no.
1 Hwɛ, nokwar, mese hom dɛ nna m’akowaa James Covel n’akoma tsen wɔ m’enyim, na ɔnye me dzii ahyɛmu dɛ ɔbɛyɛ setsie ama m’asɛm.
2 Na ɔdze enyigye gyee asɛm no, na mbom ntsɛmara na Satan sɔɔ no hwɛe; na atseetsee ho suro nye wiadze yi mu akɔdadwen ntsi ɔpoow asɛm no.
3 Dɛm ntsi ɔtõo m’ahyɛmu no, na afei ɔato mara dɛ meyɛ no dza oye ma me. Amen.