Ɔfã 79
Nyikyerɛ a wɔnam Joseph Smith Nkɔnhyɛnyi no do dze mae wɔ Hiram, Ohio, Ebɔw 12, 1832.
1–4, Wɔfrɛ Jared Carter dɛ ondua Ɔwerɛkyekyefo no do nkã asɛmpa no.
1 Nokwar, mese wo dɛ, ɔyɛ me pɛ dɛ m’akowaa Jared Carter bɔkɔ boka nkurow do bio, omfi bea do nkɔ bea do, na omfi kuropɔn do nkɔ kuropɔn do, ɔmfa asɔfodzi tum no a wɔdze hyɛɛ no sɔfo no mbɔ enyigyesɛm no dawur, asɛmpa a ɔwɔ hɔ daapem no mpo.
2 Na mobɔsoma Ɔwerɛkyekyefo no ma ɔaaba ne nkyɛn, ɔno na ɔbɛkyerɛkyerɛ no nokwar no nye kwan a ɔbɛfa do akɔ.
3 Na susuampaara dɛ ɔyɛ nokwafo no, medze efi-efi bɛhyɛ no ahenkyɛw bio.
4 Dɛm ntsi, ma w’akoma ndzi dɛw, m’akowaa Jared Carter, na mma nnsuro, wo Ewuradze na ɔse, Jesus Christ no mpo. Amen.