Seksen 80
Revelesen we Lod i givim tru long Profet Josef Smit i go long Stifen Benet, long Haeram, Ohaeo, long 7Â Maj 1832.
1–5, Lod i singaotem Stifen Benet mo Iden Smit blong tufala i prij long wanem ples we tufala i jusum.
1 I tru, olsem ia nao Lod i talem long yu, wokman blong mi, Stifen Benet: Yu go, yu go long wol mo prijim gospel long evri man we i kasem saon blong voes blong yu.
2 Mo from se yu wantem wan kompanion, bae mi givim yu wokman blong mi, Iden Smit.
3 Taswe, yutufala i go mo prijim gospel blong mi, nomata we hem i long Not o long Saot, long Is o long Wes, i nomata, from we yutufala i no save mekem mistek.
4 From hemia, talemaot ol samting we yutufala i bin harem, mo yutufala i biliv tru, mo save se oli tru.
5 Luk, hemia tingting blong hem we i bin singaotem yutufala, we i Ridima blong yutufala, we i Jisas Kraes. Amen.