Seksyon 91
Rebelasyon nga ginhatag paagi kay Joseph Smith nga Propeta sa Kirtland, Ohio sang ika-9 sang Marso 1833. Ang Propeta sa sini nga tion masako sa paglubad sang Daan nga Katipan. Sang nalab-ot niya ang ina nga bahin sang dumaan nga mga kasulatan nga ginatawag nga Apocripa, nagpamangkot sia sa Ginuo kag nakabaton sining instruksyon.
1–3, Sa kabilogan ang Apocripa nalubad sing husto apang nagalakip sing madamo nga dugang nga mga tinaga nga indi matuod halin sa mga kamot sang tawo; 4–6, Nagahatag ini sang kaayohan sa sinang mga napasanagan sang Espiritu.
1 Sa pagkamatuod, ini ang siling sang Ginuo sa inyo parte sa Apocripa—Madamo nga butang nga nalakip diri ang matuod, kag sa kabilogan nalubad ini sing husto;
2 Madamo nga butang nga nalakip diri ang indi matuod, nga gindugang nga mga tinaga sang mga kamot sang tawo.
3 Sa pagkamatuod, ginasiling ko sa inyo nga indi kinahanglanon nga lubaron ang Apocripa.
4 Karon, kon sin-o man ang magbasa sini, ipahangop sa iya kay ang Espiritu nagapahayag sang kamatuoran;
5 Kag kon sin-o man ang napasanagan sang Espiritu magabaton sang kaayohan halin diri;
6 Kag kon sin-o man ang indi makabaton sang pagpasanag sang Espiritu indi makabaton sang kaayohan. Gani, indi kinahanglanon nga lubaron ini. Amen.