Hurongwa hweNhoroondo dzeChechi

Joseph Smith (1805–44) akazvarwa naJoseph Smith Baba naLucy Mack Smith, Sharon, Vermont (ona Nh—JS 1:3).

Muporofita Joseph Smith akagamuchira Chiratidzo cheKutanga mudondo remiti mumadhorobha madiki ePalmyra neManchester, New York, pedyo nemusha wake (ona Nh—JS 1:15–17).

Joseph Smith akashanyirwa nengirozi Moronai uye akataurirwa nezvezvinyorwa zveBhuku raMormoni. Joseph akaongorora mahwendefa egoridhe akange akavigwa pachikomo chaivepedyo (Kumora) (ona Nh—JS 1:27–54).

Joseph Smith akawana mahwendefa egoridhe kubva kuna Moronai paChikomo cheKumora (ona Nh—JS 1:59).

Johane Mubapatidzi akapa Hupirisita hwaAroni kuna Joseph Smith naOliver Cowdery muHarmony, Pennsylvania (ona D&Z 13; Nh—JS 1:71–72).

Joseph Smith naOliver Cowdery vakagashira Hupurisita hweMerkizedeki kubva kuna Petro, Jakobo, naJohane pedyo nerwizi rweSusquehanna pakati peHarmony, Pennsylvania neColesville, New York (ona D&Z 128:20).

Dudziro yeBhuku raMormoni yakapedzwa. Vapupuri Vatatu neVapupuri Vasere vakaratidzwa mahwendefa egoridhe (ona 2 Ni. 11:3; 27:12–13; D&Z 17).

Magwaro ekutanga akadhindwa eBhuku raMormoni akavepo, Palmyra, New York.

Chechi yakavambwa mudhorobha reFayette, New York.

Vashumiri vekutanga vanodaidzwa kuti vashumaire kumaRamani (Vagari vekutanga veAmerica) (ona D&Z 28; 30; 32).

Vatendi vakarairwa kuti vaungane kuOhio (ona D&Z 37; 38:31–32).

Nzvimbo yeguta reZioni (Jerusarema Idzva) muIndependence, Missouri yakaratidzwa kuna Muporofita Joseph Smith (ona D&Z 57; Mis. yeCh. 1:10).

Sidney Rigdon naFrederick G. Williams vakatsaurwa seVabatsiri muHutungamiri hweChechi (ona D&Z 81 musoro wechikamu) uye vakapihwa makiyi eumambo huno hwekupedzisira (ona D&Z 90 musoro wechikamu; ndima 6).

Vatendi vakatanga kutiza mhomho dzemanyongori muRuwa rweJackson, Missouri kumhiri kweRwizi rweMissouri vachipinda muRuwa rweClay.

Mutungamiri Joseph Smith akabva muKirtland, Ohio, oenda Missouri semutungamiri weMusasa weZioni kuunza rubatsiro kuneVatendi vaive vadzingwa kubva muRuwa rweJackson.

Chikwata cheVaapositori vaneGumi neVaviri chakarongwa, Kirtland, Ohio (ona D&Z 107:23–24).

Kurongwa kweChikwata Chekutanga cheMakumi Manomwe kwakatanga, Kirtland, Ohio.

Dzidziso neZvibvumirano rakatambirwa sebhuku dzvene reChechi, Kirtland, Ohio.

Temberi yeKirtland yakakumikidzwa (ona D&Z 109).

Jesu Kristu akazviratidza kuna Joseph Smith naOliver Cowdery muTemberi yeKirtland. Mosesi, Eria, naErija vakazviratidza uye vakapa makiyi eHupirisita (ona D&Z 110).

Heber C. Kimball nevamwe vake vatanhatu vakasvika muLiverpool, England muhushumiri hwekutanga hweChechi kumhiri kwamakungwa.

Zita reChechi rakadomwa kuburikidza nezvakazarurwa (ona D&Z 115:4).

Muporofita Joseph Smith nevamwe vanozaririrwa muJeri reLiberty, Liberty muRuwa rweClay, Missouri (ona D&Z 121–123).

Rubhabhatidzo rwevakafa rwakaziviswa pachena neMuporofita Joseph Smith.

Gosa Orson Hyde akakumikidza Nyika Tsvene kuitira kudzoka kwevana vaAbrahama (ona D&Z 68:1–3; 124:128–129).

Chita cheRubatsiro cheMadzimai chakarongwa, Nauvoo, Illinois.

Maendaumendi emutemberi ekutanga azere akapihwa.

Joseph Smith naHyrum Smith vakaurairwa chitendero muJeri reCarthage (ona D&Z 135).

Vatendi vekuNauvoo vakatanga kuyambuka Rwizi rweMississippi kuenda kumadokero. Vamwe Vatendi vekumabvazuva vakakwira ngarava Brooklyn kubva kuNew York City vachienda kuCalifornia.

Mauto emaMormoni akadaidzwa mumauto eAmerica muIowa.

Chikwata chevavaruri cheMutungamiri Brigham Young chakabva kuWinter Quarters murwendo rwekumadokero (ona D&Z 136).

Mutungamiri Brigham Young akapinda muNhika yeSalt Lake.

Musangano mukuru weChechi wakatsigira Mutungamiri Brigham Young, Gosa Heber C. Kimball neGosa Willard Richards seVatungamiri veKutanga.

Makurwe muNhika yeSalt Lake akaparadza zvirimwa. Minda yakanunurwa kubva mukuparadzwa zvachose negurusvusvi reshiri dzenyanza dzakapedza kudya makurwe.

Chikoro cheSvondo chakarongwa naRichard Ballantyne.

Deseret News dzakatanga kuburitswa muSalt Lake City.

Zvikwata zvengoro dzemaoko zvaWillie naMartin zvakambomiswa nedutu rechando chekutanga. Vakawanikwa nechikwata cherununuro chakabva kuNhika yeSalt Lake.

Chita cheRubatsiro chakarongwazve pasi pehutungamiri hwaMutungamiri Brigham Young.

Chikwata cheVasikana Vechidiki vasina mabasa chakarongwa, chichimirira chakazova chirongwa cheVasikana Vechidiki.

Chikwata cheVarume Vechidiki cheKuzvikudziridza pahunhu chakarongwa, chikazova chirongwa cheVakomana Vechidiki.

Temberi yeSt. George yakakumikidzwa. Mutungamiri Brigham Young akatambira zvakazarurwa zvekugadziridza hurongwa hwemapirisita nehoko dzeZioni.

Aurelia Spencer Rogers akaita musangano wekutangisisa weVana Vadiki muFarmington, Utah.

John Taylor akatsigirwa seMutungamiri weChechi. Dombo reMutengo Mukuru rakatambirwa sebhuku dzvene.

Zvakazarurwa kuna John Taylor pamusoro pehurongwa hweMakumi Manomwe.

Wilford Woodruff akatsigirwa seMutungamiri weChechi.

“Chiziviso” chakatsigirwa mumusangano mukuru weruzhinji, chichizivisa magumo etsika yebarika (ona Chirevo—1)

Mutungamiri Wilford Woodruff akakumikidza Temberi yeSalt Lake, yakatora makore 40 ichivakwa.

Lorenzo Snow akave Mutungamiri weChechi.

Mutungamiri Lorenzo Snow akatambira zvakazarurwa muSt. George zvichimutunha kuti akomekedze chegumi (ona D&Z 119).

Joseph F. Smith akave Mutungamiri weChechi.

Mutungamiri Joseph F. Smith akagamuchira chiratidzo cherununuro rwevakafa (ona D&Z 138).

Heber J. Grant akave Mutungamiri weChechi.

Chirongwa cheChechi chekuchengetedza chakadzikwa kubatsira varombo munguva yeHurombo Hukuru, chikazove chirongwa cheChechi chemagariro akanaka. Chirongwa ichi chakakura kubva muzvakazarurwa zvakange zvatambirwa neMutungamiri Heber J. Grant pakutanga.

Vabatsiri kuvaneGumi neVaviri vanodaidzwa kekutanga.

George Albert Smith akave Mutungamiri weChechi.

David O. McKay akatsigirwa seMutungamiri weChechi.

Gosa Harold B. Lee, ari pasi pehutungamiri hweVatungamiri veChechi Vekutanga, akazivisa kuti hurongwa hwose hweChechi hwaizobatanidzwa kuburikidza nehupirisita kusimbaradza mhuri uye nemunhuwo zvake.

Kuchengetedzwa kwenguva yemhuri yemanheru kwakakomekedzwazve.

Joseph Fielding Smith akave Mutungamiri weChechi.

Mabhuku matsva eChechi anedzidziso nemifananidzo—Ensign, New Era, neFriend—akatanga kuburitswa.

Harold B. Lee akave Mutungamiri weChechi.

Spencer W. Kimball akave Mutungamiri weChechi.

Mutungamiri Spencer W. Kimball akazivisa nezvekurongwazve kweChikwata cheMakumi manomwe.

Zvakazarurwa zviviri zvikawedzerwa kuDombo reMutengo Mukuru. Muna 1981 zvikabviswa zvikazova D&Z 137 ne138.

Chakazarurwa chakatsigirwa neChechi chaiita kuti Hupurisita hupihwe kunhengo yose yemunhurume inokodzera yeChechi zvisina kutarisa rudzi kana ruvara (ona Chirevo—2).

Bhaibheri raMambo Jemisi rinoshandiswa neVME (LDS) rinebatsiro mukudzidza rakaburitswa.

Zvinyorwa zvitsva zveBhuku raMormoni, Dzidziso neZvibvumirano, Dombo reMutengo Mukuru zvakaburitswa muChirungu.

Vatungamiri veMatunhu vakagadzwa, kubva munhengo dzeMakumi Manomwe.

Ezra Taft Benson akave Mutungamiri weChechi.

Chikwata Chepiri cheMakumi Manomwe chakarongwazve.

Howard W. Hunter akave Mutungamiri weChechi.

Gordon B. Hinckley akave Mutungamiri weChechi.

Chinzvimbo chemumiriri wedunhu chakamiswa. Chiziviso chechinzvimbo chitswa chehutungamiri chaizozivikanwa seVatungamiri veMatunhu.

“Mhuri: Chiziviso kuNyika” kubva kuVatungamiri neDare reVaapositori vaneGumi neVaviri chakabuditswa.

VaTungamiri veMatunhu vakagadzwa seMakumi Manomwe. Chikwata Chetatu, China neChishanu cheMakumi Manomwe chakaziviswa.

Mutungamiri Hinckley akataura zvekuvakwa kwematemberi madiki.

Huwandu hwenhengo dzeChechi hwakasvika mamiriyoni 10.

Mutungamiri Hinckley akazivisa nezvechinangwa chekuve nematemberi 100 anoshanda panosvika gore ra2000.