11. Far West Temple Bea
Far West ntsenae, Missouri, bɛyɛɛ Ahotseweefo 3,000 dze kɔ 5,000 a nna wɔrohwehwɛ sumabew efi atseetsee mu wɔ Jackson na Clay County mu no hɔn fie. 1838 mu no Ewuradze hyɛɛ Ahotseweefo no dɛ wonsi temple wɔ ha (hwɛ N&A 115:7–8). Dɔm no hɔn atseetsee no siiw hɔn kwan dɛ wobesi. Dɛm afe no Ɔbɛsɛ 31, 1838 mu no wɔkyeer Nkɔnhyɛnyi Joseph Smith nye Asɔr no mu banodzifo binom, na hɔn Atsɛmbu asɛndzii ekyir wɔ Richmond no, wɔdze hɔn guu Liberty Efiadze. Awɔwber mu 1838–1839 mu no wɔpaam Nda a Odzi Ekyir Ahotseweefo no fii Far West na mbeambea a ɔwɔ Missouri hɔ ma wɔkɛtsenaa Illinois.
Dza Osisii Tsitsir: Wotuu bea a wobesi temple no hyɛɛ Nyame nsa, na wɔtoow no kotow-do abo. Nsa kãa nyikyerɛ esuon a wotsintsimii wɔ Nkyerɛkyerɛ na Ahyɛmudzi mu dze puee guado (afã 113–115; 117–120). Joseph F. Smith, Asɔr no ne President a otsĩa esia no wɔwoo no Ɔberɛfɛw 13, 1838 mu wɔ Far West. Far West hɔ no bɛyɛɛ Asɔr no n’asoɛe ne tsir mber kakra wɔ Nkɔnhyɛnyi Joseph Smith n’aber do.