12. Liberty Efiadze

Efiadze kakraba bi a ɔwɔ Liberty, Missouri bɛyɛ 1878 mu. Wɔdze Joseph Smith nye enuanom beenum binom guu efiadze wɔ atsɛnkyew mu wɔ bea a n’afasu ne tɛtɛr yɛ meter 1.2 fi Mumu 1, 1838 dze kesi Ebɔbira 6, 1839. (Woyii Sidney Rigdon Kwakwar n’ewiei.) Wɔdze hɔn koguu efiadze n’ase dan no mu, wɔdaa ɔbo winwin do, a wɔdze sar akata famu hɔ, kan ketseketse bi na ɔwɔ hɔ nna wonnya biribi papa bi mmfa nnsɔw awɔwber no.

Dza Osisii Tsitsir: Nkɔnhyɛnyi Joseph rototɔserɛ ma nda a Odzi Ekyir Ahotseweefo mpempem no a wɔrepam hɔn efi Missouri no, onyaa ne mpaabɔ ho mbuae a, ɔkyerɛɛw no wɔ krataa mu dze kɛmaa Ahotseweefo no a woetwa hɔn ho esu no (N&A 121–123).