2. Koko Cumorah na Palmyra-Manchester Apaamu
Erohwɛ etsifi afamu no, mfonyin yi kyerɛ Koko Cumorah a ɔwɔ Manchester, New York. Wohu koko no wɔ mfonyin no ne nyimfa ase nkyɛn hɔ na ɔtsen tra ne finimfin dze kɔ no sor hɔ. Nkaadze fufuw a wohu no wɔ koko no n’etsifi afamu hɔ no hyɛ ɔbɔfo Moroni na Mormon Nwoma ne mbae no enyimnyam. Koko Cumorah no wɔ Kwaa Krɔnkrɔn no n’anaafo boka afamu hɔ bɛyɛ kilomita 5. Palmyra bɛn mfonyin no n’etsifi nkyɛn hɔ, ofi koko no ho kɔ hɔ ne tsentsen yɛ kilomita 6½. Smithfo hɔn haban na Kwaa Krɔnkrɔn no wɔ mfonyin no n’abankum sor afamu hɔ.
Dza Osisii Tsitsir: Nkɔnhyɛnyi Joseph Smith n’ebusua no tsenaa apaamu ha ber a Enyido-adzehu a Odzi Kan no sii no (JS—Aba 1:3). Christ N’Awoo Ekyir 421 mu no, Moroni siee sika mprɛtse horow bi a no nkorɔfo hɔn abakɔsɛm krɔnkrɔn no wɔ do wɔ Koko Cumorah no mu (M ne N 1:1–11; Morm. 6:6; Moro. 10:1–2). Moroni kor yi ara na ɔkãa kyerɛɛ Joseph Smith bea a obohu mprɛtse no wɔ koko no do. Moroni dze maa no 1827 mu (N&A 27:5; 128:20; JS—Aba 1:33–35, 51–54, 59).