4. Grandin Tsintsimfir na Nwomatsintsim Dan

Egbert B. Grandin ne nwomatsintsim dan no a wɔasan ayɛ no yie no a ɔwɔ Palmyra, New York no, nye bea a wotsintsiim Mormon Nwoma a odzi kan no wɔ na wɔdze puee guado wɔ 1830 mu. Martin Harris dze ne haban kesii ahoba na ɔtɔɔn ne fã bi dze tuaa Mormon Nwoma dodow 5,000 ne ntsintsimii ho kaw. Wɔhyɛɛ ase dɛ woritsintsim wɔ Dzifuu 1829 mu na wowiee no wɔ Ebɔw 26, 1830 mu na wɔdze puee guado.

Dza Osisii Tsitsir: Wɔhyɛɛ Martin Harris dɛ ɔmfa n’egyapadze mma kwa ma wɔmfa ntua Mormon Nwoma no ne ntsintsimii ho kaw (N&A 19:26–35).