9. Kirtland Temple

Kirtland Temple no wɔ Kirtland, Ohio.

Dza Osisii Tsitsir: Kirtland Temple no nye temple a odzi kan a wosii wɔ mberano yi mu (N&A 88:119; 95). Temple yi mu na Joseph Smith hun celestial ahenman no wɔ enyido-adzehu mu (N&A 137). Wotui hyɛɛ Nyame nsa wɔ Ebɔw 27, 1836 mu (N&A 109). Ebɔbira 3, 1836 mu no, Agyenkwa no puee na Ɔgyee temple no too mu dɛ ɔyɛ bea a Ɔbɛda N’asɛm edzi akyerɛ No nkorɔfo wɔ mu (N&A 110:1–10). Dza odzi mpuee yi ekyir no nye dɛ Moses, Elias, na Elijah bɛseraa Joseph Smith na Oliver Cowdery, na hɔn nyinara maa hɔn asɔfodzi nsafee bi na nsɛm a no ho hia (N&A 110:11–16). Ahotseweefo no dzii dwuma wɔ temple yi mu bɛyɛ mfe ebien bi ansaana osian atseetsee ntsi okehiaa dɛ woguan fi Kirtland.