11. Esika ya botongi Tempelo ya Far West

Kofanda na Far West, Missouri, ekomaki ndako mpo na Basantu 3.000 kino 5.000 baoyo balukaki komibombama uta na monyokoli na Bituka ya Jackson mpe Clay. Na mobu 1838 Nkolo atindaki Basantu batonga tempelo awa (tala Mal&May 115:7–8). Motungisi ya ngulupa ya bato ya mobulu epekisaki bango basala yango. Na mokolo ya 31 ya sanza ya zomi ya mobu oyo, Profeta Joseph Smith mpe bakambi basusu ya Eklezia bakangisamaki mpe, nsima ya kosambisama na Richmond, bakangisamaki na Boloko ya Liberty. Na eleko ya malili ya mobu 1838–1839, Basantu ya Mikolo ya Nsuka bakambamaki uta na Far West mpe bisika misusu na Missouri mpe bakendaki kofanda lisusu na Illinois.

Makambo Minene: Esika ya botongi tempelo moko ebulisamaki mpe mabanga ya nsuka etiamaki. Bimoniseli sambo oyo ebimisami kati na Malongi mpe Mayokani ezwamaki (biteni 113–115; 117–120). Joseph F. Smith, Moyangeli ya motoba ya Eklezia, abotamaki na mokolo ya 13 sanza ya zomi na moko ya mobu 1838 na Far West. Basalelaki Far West mpo na ntango mokuse lokola esika mokonzi ya Eklezia na nse ya bokambi ya Profeta Joseph Smith.