Masalisi mpo na Makomi

Bafoto ya Mambi ya Kala ya Eklezia

Makambo oyo ezali kati ya buku
Boyingisi
Na Bokuse
1. Zamba ya Bule
2. Ngomba ya Kumola mpe Ntei ya Palmyra-Manchester
3. Ndako ya Mabaya ya Joseph Smith Tata
4. Ebetelo Mikanda mpe Esalelo ya Bonyati buku ya Grandin
5. Ebale ya Susquehanna
6. Ndako ya Mabaya ya Peter Whitmer Tata
7. Newel K. Whitney mpe Kompani ya Ebombelo
8. Ndako ya John Johnson
9. Tempelo ya Kirtland
10. Adama-ondi-Amana
11. Esika ya botongi Tempelo ya Far West
12. Boloko ya Liberty
13. Ndako Monene na Nauvoo
14. Magazini Red Brick ya Joseph Smith Mwana
15. Tempelo ya Nauvoo
16. Boloko ya Carthage
17. Bobimi epayi na Westi
18. Tempelo ya Salt Lake

Bafoto ya Mambi ya Kala ya Eklezia

Bafoto ya Mambi ya Kala ya Eklezia

Boyingisi
Ba foto oyo ya bisika ya mambi ya ntina ya Eklezia elili ya mabele esika oyo Basantu ya mikolo ya Nsuka ya kala batambolaki, esika baprofeta ya sika bafandaki mpe bateyaki, mpe esika wapi milulu ya makomi ebele esalemaki.
Na Bokuse
Kalati oyo na nse elakisi esika ya bafoto na kati ya eteni oyo. Na nkasa oyo elandi, nimelo ya foto moko na moko ezali elongo na mwa ndimbola moke ya esika. Kolakisaka makambo makomi uta na etuka wana mpe etiamaki, elongo na makomi oyo bokoki koyeba esika mpo na kotanga mingi na ntina ya makambo oyo.
1. Zamba ya Bule
Zamba ya Bule ezwami na Bituka ya Palmyra mpe ya Manchester, New York. Zamba ya banzete oyo ezali mpenza na westi ya esika wapi ezwamaki ndako ya moke ya mabaya ya libota ya Smith na mobu 1820.
2. Ngomba ya Kumola mpe Ntei ya Palmyra-Manchester
Kotalaka na ngambo ya nordi, foto oyo ezali kolakisa Ngomba ya Kumola na Manchester, New York. Ngomba yango ezali komonana na nsuka ya loboko ya mobali ya foto mpe etandami moke kati na nzela likolo na yango. Ekeko ya mpembe oyo ezali komonana na nsuka ya nordi ya ngomba yango ezali kokumisa anjelu Moroni mpe bobimi ya Buku ya Mormon. Ngomba ya Kumola ezwami penepene na bakilometele 5 na sudi-esti ya Zamba ya Bule. Penepene na likolo ya foto ezali na mboka ya Palmyra, bakilometele 6½. Ebokolelo ya Smith mpe Zamba ya Bule izwami na ngambo ya likolo ya foto yango.
3. Ndako ya Mabaya ya Joseph Smith Tata
Kopi ya sikisiki ya ndako ya Joseph Smith Tata, etongami na esika ya ebandeli ya ndako ya mabaya penepene na Palmyra, New York. Libota ya Smith batongaki ndako ya mokili 1½ ya ebandeli na mabaya ekatamaki na soka kala mingi te nsima ete bakoma na Palmyra. Libota efandaki awa uta na mobu 1819 kino na mobu 1825.
4. Ebetelo Mikanda mpe Esalelo ya Bonyati buku ya Grandin
Esalelo ezongisami ya bonyati buku ya ndako ya kala Egbert B. Grandin na Palmyra, New York, esika oyo bobimisi ya yambo ya Buku ya Mormon ebimisamaki na mobu 1830. Martin Harris apesaki ebokolelo na ye na ndanga mpe atekaki ndambo na yango mpo na kofuta ntalo ya bonyati bakopi 5.000 ya Buku ya Mormon. Kobanda konyata nkoma ya buku ebandaki na sanza ya mwambe ya mobu 1829, mpe bakopi oyo esilaki emonanaki na mokolo ya 26, sanza ya misato ya mobu 1830.
5. Ebale ya Susquehanna
Foto oyo ezali kolakisa Ebale ya Susquehanna na Etuka ya Harmony, Pennsylvania.
6. Ndako ya Mabaya ya Peter Whitmer Tata
Ndako molai oyo etalisi ndako ya ebandeli ya Peter Whitmer Tata. na Fayette, New York.
7. Newel K. Whitney mpe Kompani ya Ebombelo
Ebombelo ya Newel K. Whitney oyo esalaki mosala monene koleka na mokolo ya Eklezia na Kirtland. Joseph mpe Emma Smith bafandaki awa mpo na ntango mokuse. Bimoniseli mingi minene ezwamaki awa. Eteyelo ya Baprofeta ezalaki kosalema kati na ebombelo yango uta na mokolo ya 24, sanza ya yambo ya mobu 1833 kino ntango moko na sanza ya minei ya mobu 1833.
8. Ndako ya John Johnson
Ndako ya John mpe Alice Johnson ezwamaki na Hiram, Ohio. Kisuku oyo ezwamaki na mokili ya mibale ya ndako.
9. Tempelo ya Kirtland
Tempelo ya Kirtland ezwami na Kirtland, Ohio.
10. Adama-ondi-Amana
Kotalaka na ngambo ya sudi na kokatisa lobwaku ya Adama-ondi-Amana, lobwaku ya kimia, ya kitoko oyo ezwami na nordi-westi ya Missouri penepene na lingomba ya Gallatin.
11. Esika ya botongi Tempelo ya Far West
Kofanda na Far West, Missouri, ekomaki ndako mpo na Basantu 3.000 kino 5.000 baoyo balukaki komibombama uta na monyokoli na Bituka ya Jackson mpe Clay. Na mobu 1838 Nkolo atindaki Basantu batonga tempelo awa (tala Mal&May 115:7–8). Motungisi ya ngulupa ya bato ya mobulu epekisaki bango basala yango. Na mokolo ya 31 ya sanza ya zomi ya mobu oyo, Profeta Joseph Smith mpe bakambi basusu ya Eklezia bakangisamaki mpe, nsima ya kosambisama na Richmond, bakangisamaki na Boloko ya Liberty. Na eleko ya malili ya mobu 1838–1839, Basantu ya Mikolo ya Nsuka bakambamaki uta na Far West mpe bisika misusu na Missouri mpe bakendaki kofanda lisusu na Illinois.
12. Boloko ya Liberty
Boloko na Liberty, Missouri, pene ya mobu 1878. Joseph Smith mpe bandeko mibali misusu mitano bakangamaki na bozangi sembo na bifelo na yango minene ya 1.2 metele uta na mokolo ya 1, sanza ya zomi na mibale mobu 1838, kino na mokolo ya 6 ya sanza ya minei ya mobu 1839. (Sidney Rigdon akangolamaki na nsuka ya sanza ya mibale.) Ya kokangama kangama na mokili ya nse to ngambo ya molili ya ndako, bazalaki kolala likolo ya mabanga ya malili, oyo etiamaki matiti likolo na mwinda moke mpe bobateli bokoki te ya kobatelama na mpio ya eleko ya malili.
13. Ndako Monene na Nauvoo
Joseph Smith Mwana mpe libota na ye bakendaki na Ndako Monene na Nauvoo na sanza ya mwambe ya mobu 1843. Nsima babakisaki lipapu moko na ngambo ya esti ya etongelo yango ya bisika 22. Kobandaka na sanza ya yambo ya mobu 1844, Ebenezer Robinson abongisaki ndako yango lokola ndako ya bapaya, mpe Profeta abongisaki bisika motoba kati na yango mpo na libota na ye. Ndako yango esalisaki lokola esika ya bosangani mpe ya lisungi ya bato ya Nauvoo. Bato banene ya lokumu bayambamaki awa na Profeta.
14. Magazini Red Brick ya Joseph Smith Mwana
Botongi ya sika oyo ya ebombelo mpeesika ya mosala ya Joseph Smith Mwana bozwami na Nauvoo, Illinois. Ezalaki moko ya bandako minene kati na Eklezia na eleko ya Nauvoo. Ezalaki bobele na kosalisa na ebombelo monene te, ekomaki lisusu esika ya bosangani mpe ya lisungi ya bato nyonso, ya mombongo, ya politiki, mpe ya misala ya biyamba. Joseph Smith abongisakiesika ya mosala moko na mokili ya mibale.
15. Tempelo ya Nauvoo
Ebandeli ya Tempelo ya Nauvoo etongamaki uta na mabele ya libanga ya motane mpe mpembe. Ndako yango ezalaki metele 39 na molai mpe 27 metele na monene. Songe ya linongi etelemaki metele 48 likolo uta na ndelo ya mabele. Bandimi ya Eklezia basalaki libonza monene mpo na kotonga tempelo oyo ya kitoko, kobandaka mosala na 1841. Baike basalaki basanza na kotongaka; basusu babonzaki misolo na bango. Atako esilaki te mobimba, tempelo etondisamaki na kokoka na bandimi baoyo bazalaki koya mpo na makuli liboso ya kokima ya bango na Westi. Ntango Basantu mingi batikaki Nauvoo na ebandeli ya eleko ya milona ya mobu 1846 na nse ya kobundisama makasi ya ngulupa ya bato ya mobulu, lisanga moko eponama etikalaki nsima mpo na kosilisa tempelo. Na mokolo ya 30, sanza ya minei ya mobu 1846, Bampaka Orson Hyde mpe Wilford Woodruff ya Lisanga likoki ya Bapostolo zomi na mibale mpe penepene na bato 20 basusu babulisaki ndako oyo ya Nkolo. Batikaki tempelo yango na sanza ya libwa ntango montika ya bandimi ya Eklezia bamemamaki libanda ya Nauvoo; nsima ngulupa ya bato ya mobulu ya batomboki basantolaki mpe babebisaki botongi ya bule yango. Na sanza ya zomi mobu 1848 ezikisamaki na moto. Botongami ya tempelo (ezwamaki foto awa), bosali ya ebandeli, ebulisamaki awa ekambamaki na Mokambi Gordon B. Hinckley na mikolo ya 27–30, ya sanza ya motoba ya mobu 2002.
16. Boloko ya Carthage
Ndako ya boloko kati na engumba ya Carthage, Illinois.
17. Bobimi epayi na Westi
Ebandeli ya bobimisi ya bato na Nauvoo, Illinois, ekanamaki na sanza ya misato–sanza ya minei, kasi likolo ya kobundisama ya ngulupa ya bato ya mobulu Moyangeli Brigham Young apesaki mibeko ete bobimi ya Basantu na kokatisaka Ebale ya Mississippi bobanda na mokolo ya 4, sanza ya mibale ya mobu 1846. Moyangeli Young atikalaki nsima mpo na kosala dotasio na Basantu mpe alongwaki te na Nauvoo kino kati na sanza ya mibale.
18. Tempelo ya Salt Lake
Tempelo ya Salt Lake, ebongisamaki uta na nordi-esti. Mikolo mike nsima ete kompani ya bapionie ya yambo ya Basantu ya Mikolo mya Nsuka ekota na lobwaku babiangi Salt Lake Valley, Moyangeli Brigham Young abetaki mabele na nzete na ye ya kotambola mpe asakolaki, “Awa tokotonga tempelo ya Nzambe na biso.” Mabele ebukamaki mokolo ya 14, sanza ya mibale ya mobu 1853. Na mokolo ya 6, sanza ya minei ya mobu 1853, mabanga ya nsuka etiamaki. Tempelo esilaki mpe ebulisamaki mibu ntuku minei nsima ya mokolo ya 6, sanza ya minei ya mobu 1893. Boyangeli ya Yambo mpe Lisanga likoki ya Bapostolo Zomi na mibale bakutanaka awa mposo nyonso mpo na kotalela makambo malamu mpe koluka bokambi ya Nkolo na kosalaka mosala mpe kotongaka bokonzi ya Nzambe.