13. Ndako Monene na Nauvoo

Joseph Smith Mwana mpe libota na ye bakendaki na Ndako Monene na Nauvoo na sanza ya mwambe ya mobu 1843. Nsima babakisaki lipapu moko na ngambo ya esti ya etongelo yango ya bisika 22. Kobandaka na sanza ya yambo ya mobu 1844, Ebenezer Robinson abongisaki ndako yango lokola ndako ya bapaya, mpe Profeta abongisaki bisika motoba kati na yango mpo na libota na ye. Ndako yango esalisaki lokola esika ya bosangani mpe ya lisungi ya bato ya Nauvoo. Bato banene ya lokumu bayambamaki awa na Profeta.

Makambo Minene: Na mokolo ya 27, sanza ya motoba 1844, Profeta Joseph mpe ndeko na ye ya mobali Hyrum babetamaki masasi mpe babomamaki na Carthage, Illinois, mpe banzoto ya bango ememamaki na ndako oyo na matanga yambo ya bokundami. Bakundamaki na lopango loke ya nkunda ya libota kaka na kokatisa Balabala Monene, na westi ya ndako ya mabaya ya kala wapi Joseph azalaki kofanda ntango ayaki yambo na Nauvoo. Emma Smith afandaki mpe na Ndako Monene yango kino mobu 1871. Nsima akendaki na Ndako ya Nauvoo, epayi wapi akufaki na mobu 1879.