17. Bobimi epayi na Westi

Ebandeli ya bobimisi ya bato na Nauvoo, Illinois, ekanamaki na sanza ya misato–sanza ya minei, kasi likolo ya kobundisama ya ngulupa ya bato ya mobulu Moyangeli Brigham Young apesaki mibeko ete bobimi ya Basantu na kokatisaka Ebale ya Mississippi bobanda na mokolo ya 4, sanza ya mibale ya mobu 1846. Moyangeli Young atikalaki nsima mpo na kosala dotasio na Basantu mpe alongwaki te na Nauvoo kino kati na sanza ya mibale.

Makambo Minene: Liboso ya kufa na ye Profeta Joseph Smith asakolaki, “Baike kati na bino bakozala na bomoi mpo na kokende mpe kosunga na kotiaka mpe kotongaka bingumba mpe komona Basantu kokoma bato ya nguya kati na Bangomba ya Mabanga.” Penepene na Basantu 12.000 balongwaki na Nauvoo uta sanza ya mibale na sanza ya libwa ya mobu 1846. Nsima ete Basantu batika Winter Quarters mpe bisika ya nsima, babongisamaki na bakompani ya bazomi, bantuku mitano, mpe minkama, na nse ya bokambi ya kapitene ya kompani yango (Mal&May 136:3). Na sanza ya libwa ya mobu 1846 ngulupa ya bato ya mobulu penepene na bato 800 na minzinga motoba bazingaki engumba ya Nauvoo. Nsima ya mikolo ebele ya kobunda, montika ya Basantu bapusamaki na komipesa mpo na kobikisa bomoi na bango mpe kozwa libaku ya kokatisa ebale. Bato nkama mitano soki te nkama motoba mibali, basi, mpe bana bakatisaki ebale mpe batiaki nganda na zelo ya ebale. Moyangeli Brigham Young atindaki masanga ya babikisi na biloko mpo na kobimisa “babola Basantu baye.”