2. Ngomba ya Kumola mpe Ntei ya Palmyra-Manchester

Kotalaka na ngambo ya nordi, foto oyo ezali kolakisa Ngomba ya Kumola na Manchester, New York. Ngomba yango ezali komonana na nsuka ya loboko ya mobali ya foto mpe etandami moke kati na nzela likolo na yango. Ekeko ya mpembe oyo ezali komonana na nsuka ya nordi ya ngomba yango ezali kokumisa anjelu Moroni mpe bobimi ya Buku ya Mormon. Ngomba ya Kumola ezwami penepene na bakilometele 5 na sudi-esti ya Zamba ya Bule. Penepene na likolo ya foto ezali na mboka ya Palmyra, bakilometele 6½. Ebokolelo ya Smith mpe Zamba ya Bule izwami na ngambo ya likolo ya foto yango.

Makambo Minene: Libota ya Profeta Joseph Smith bazalaki kofanda na ntei oyo na ntango ya Limoni ya Yambo (JS—Mambi ya Kala 1:3). Na 421 ya Mobu ya Nkolo, Moroni akundaki liboke ya bapalaki ya wolo na Ngomba ya Kumola oyo ezalaki na mokolo ya bule ya bato na ye (M ya M 1:1–11; Morm. 6:6; Mor. 10:1–2). Moroni se moko oyo ayebisaki Joseph Smith epayi wapi akozwa bapalaki na likolo ya ngomba. Moroni apesaki yango epayi na ye na mobu 1827 (Mal&May 27:5; 128:20; JS—Mambi ya Kala 1:33–35, 51–54, 59).