18. Tempelo ya Salt Lake

Tempelo ya Salt Lake, ebongisamaki uta na nordi-esti. Mikolo mike nsima ete kompani ya bapionie ya yambo ya Basantu ya Mikolo mya Nsuka ekota na lobwaku babiangi Salt Lake Valley, Moyangeli Brigham Young abetaki mabele na nzete na ye ya kotambola mpe asakolaki, “Awa tokotonga tempelo ya Nzambe na biso.” Mabele ebukamaki mokolo ya 14, sanza ya mibale ya mobu 1853. Na mokolo ya 6, sanza ya minei ya mobu 1853, mabanga ya nsuka etiamaki. Tempelo esilaki mpe ebulisamaki mibu ntuku minei nsima ya mokolo ya 6, sanza ya minei ya mobu 1893. Boyangeli ya Yambo mpe Lisanga likoki ya Bapostolo Zomi na mibale bakutanaka awa mposo nyonso mpo na kotalela makambo malamu mpe koluka bokambi ya Nkolo na kosalaka mosala mpe kotongaka bokonzi ya Nzambe.

Makambo Minene: Nkolo apesaki Bayangeli ya Eklezia mpe Bakambi Banene bosopani ya molimo ya emoniseli awa, kozwanaka Liyebisi ya Bakambi 2. Kala mingi te awa, Boyangeli ya Yambo mpe Lisanga ya Bapostolo Zomi na mibale na bondimami ya banso bandimaki mpe babimisaki “Libota: Esakoli na Mokili.” Makuli ya tempelo oyo esalemi mpo na banso bato na bomoi mpe bakufi masili kopambola bomoi ya bankoto ya bato.