5. Ebale ya Susquehanna

Foto oyo ezali kolakisa Ebale ya Susquehanna na Etuka ya Harmony, Pennsylvania.

Makambo Minene: Joseph Smith Mwana ayaki yambo na Harmony koluka mosala na mobu 1825. Ye mpe tata na ye bazwaki ndakondaki penepene na awa na ndako ya Isaac Hale, wapi Joseph akutanaki mbala ya yambo na Emma Hale, mwasi na ye ya mikolo miyaki nsima (JS—Mambi ya Kala 1:56–57). Joseph mpe Emma babalanaki na mokolo ya 18, sanza ya yambo ya mobu 1827. Profeta azwaki bapalaki ya wolo na mokolo ya 22, sanza ya libwa ya mobu 1827, na Manchester, New York, mpe kala mingi te nsima wana bakendaki elongo na Emma na Harmony, wapi babandaki kobongola bapalaki. Na ntango ya bobongoli ya Buku ya Mormon, Joseph mpe Oliver Cowdery balingaki koyeba mingi koleka na ntina ya libatisi mpe bakendaki na ebale kosambela epayi ya Nkolo mpo na oyo etali likambo yango. Lokola eyano na losambo oyo, Yoane Mobatisi amonanaki na mokolo ya 15, sanza ya mitano ya mobu 1829 (JS—Mambi ya Kala 1:66–74; Mal&May 13). Apesaki Bonganganzambe ya Alona likolo ya Joseph mpe Oliver. Nsima bakendaki kati na ebale oyo mpe babatisamaki moko mpe mosusu mpo na bolimbisi ya masumu. Joseph mpe Oliver batindamaki nsima na Yoane Mobatisi akokulisa moko mpe mosusu na Bonganganzambe ya Alona. Kala mingi te nsima na awa, Petelo, Yakobo, mpe Yoane bamonanaki na Harmony mpe Colesville mpe bapesaki Bonganganzambe ya Melikisedeki likolo ya Joseph mpe Oliver (Mal&May 27:12–13; 128:20).