11. ISiza seTempile iFar West
Indawo yokuhlala yaseFar West, eMissouri, yaba likhaya labaNgcwele abangama-3,000 ukuya kuma-5,000 ababefuna ukhuseleko kwintshutshiso kwiKhawunti iJackson neClay. Ngowe-1838 iNkosi yayalela abaNgcwele ekubeni bakhe itempile apha (khangela I&M 115:7–8). Intshutshiso yeqela lezaphuli-mthetho labavalela ekwenzeni oko ngo-Oktobha 31 waloo nyaka, Ngo-Oktobha 31, 1838 uMprofeti uJoseph Smith nezinye iinkokeli zeBandla babanjwa kwaye, emva kwetyala elibophelelayo eRichmond, bavalelwa kwiNtolongo iLiberty. Ngethuba lobusika bowe-1838–1839, abaNgcwele beMihla yokuGqibela bagxothwa eFar West nakwezinye iziza eMissouri baza bema kwakhona eIllinois.
Izehlo eziBalulekileyo: Isiza setempile sasingcwalisiwe namatye embombo abekwa. Izityhilelo ezisixhenxe zapapashwa kwiMfundiso neMinqophiso yamkelwa (amacandelo 113–115; 117–120). UJoseph F. Smith, uMongameli weBandla, wazalwa ngoNovemba 13, 1838, eFar West. IFar West yasebenza kancinane njengekomkhulu leBandla phantsi koMprofeti uJoseph Smith.