4 Eins og ritað er í bók Jesaja spámanns, og þetta eru orðin er segja: Rödd hrópandans í eyðimörk: Greiðið veg Drottins og gjörið beinar brautir hans.

5 Því að sjá og tak eftir, hann mun koma, eins og ritað er í bók spámannanna, til að bera burtu syndir heimsins og til að færa heiðnum þjóðum hjálpræði, til að safna saman þeim sem týndir eru, sem eru úr hjörð Ísraels —

6 Já, jafnvel hinum dreifðu og aðþrengdu. Og einnig til að greiða veginn og gjöra mögulega boðun fagnaðarerindisins til Þjóðanna —

7 Og til að vera ljós öllum sem í myrkri sitja, til ystu marka jarðar; til að gjöra upprisuna frá dauðum að veruleika og til að stíga til upphæða og dvelja til hægri handar föðurnum —

8 Fram að fyllingu tímanna, og lögmálið og vitnisburðurinn mun innsiglað, og lyklar ríkisisins verða enn á ný afhentir föðurnum —

9 Til að miðla réttlæti til allra, koma niður með dóm yfir alla, og sannfæra alla hina óguðlegu um óguðleg verk þeirra, sem þau hafa unnið. Og allt þetta á þeim degi sem koma skal —

10 Því að það er dagur máttarins, já, allir dalir skulu fyllast, öll fell og hálsar lægjast. Krókar skulu beinir verða og óvegir sléttar götur —

11 Og allt hold mun sjá hjálpræði Guðs.

19 Þér er það vel kunnugt Þeófílus, að samkvæmt hefð Gyðinganna og lögmálum þeirra við að meðtaka fé inn í fjárhirslurnar, að það var úr gnægð þess sem meðtekið var, sem hinum fátæku var úthlutað, hverjum manni sínum hluta.

20 Það var á sama máta sem skattheimtumennirnir gjörðu hið sama, því sagði Jóhannes við þá: Heimtið ekki meira en fyrir yður er lagt.