LSS, Maʻake 16:3–6 (fakafehoanaki mo e Maʻake 16:4–7; naʻe fai ha ngaahi liliu tatau ʻi he Mātiu 28:2–8; fakafehoanaki mo e Luke 24:2–4)
(Naʻe fakafeʻiloaki mai ha ʻāngelo ʻe toko ua ki he kau fefiné ʻi he fonualoto ʻo e Fakamoʻuí.)
3 Ka ʻi heʻenau vakaí, naʻa nau ʻilo kuo tekaʻi atu ʻa e maká (he naʻe lahi ʻaupito ia,) pea naʻe nofo ʻi ai ʻa e ʻāngelo ʻe toko ua, kuó na kofu ʻaki ʻa e kofu tōtōlofa hinehina; pea naʻa nau ilifia.
4 Ka naʻe pehē ange ʻe he ongo ʻāngeló kiate kinautolu, ʻOua ʻe ilifia; ʻoku mou kumi kia Sīsū ʻo Nāsaleti, ʻa ia naʻe kalusefaí; kuo toe tuʻu ia; ʻoku ʻikai ʻi heni ia; vakai ki he potu naʻa nau fakatokoto ai iá.
5 Ko ia ke mou ʻalu, ʻo fakahā ki heʻene kau ākongá mo Pita, ʻokú ne muʻomuʻa ʻiate kimoutolu ki Kāleli; te mou mamata ai kiate ia ʻo hangē ko ʻene folofola kiate kimoutolú.
6 Pea naʻa nau hū atu ki he fonualotó, ʻo mamata ki he potu naʻa nau fakatokoto ai ʻa Sīsuú.