LSS, Maʻake 8:37–38. Fakafehoanaki mo e Maʻake 8:35
Ko ia kotoa pē ʻoku loto fiemālie ke mate koeʻuhi ko Sīsuú, te ne maʻu ʻa e fakamoʻuí.
37 He ko ia kotoa pē ʻe kalofaki ʻene moʻuí, ʻe mole ia; pea ko ia kotoa pē ʻe kalofaki ʻene moʻuí, ke ne loto fiemālie ke tuku hifo ia koeʻuhí ko au; pea kapau he ʻikai ke ne loto fiemālie ke tuku hifo ia koeʻuhí ko au, ʻe mole ia meiate ia.
38 Ka ko ia kotoa pē ʻe loto fiemālie ke mole ʻene moʻuí koeʻuhí ko au, mo e ongoongoleleí, te ne fakamoʻui ʻe ia ia.
LSS, Maʻake 8:42–43. Fakafehoanaki mo e Maʻake 8:38
Ko e kakai ʻoku nau mā koeʻuhi ko Kalaisí he ʻikai ke nau kau ʻi he ʻuluaki toetuʻú, ka ko kinautolu ʻoku loto fiemālie ke mate maʻa Kalaisí te nau omi mo Ia ʻi Hono nāunaú.
42 Pea he ʻikai ke nau kau ʻi he toetuʻu ko iá ʻi heʻene hāʻele maí.
43 He ko e moʻoni ʻoku ou talaatu kiate kimoutolu, Te ne hāʻele mai; pea ko ia ia ʻe tuku hifo ʻene moʻuí koeʻuhi ko au mo e ongoongoleleí, te ne haʻu mo ia, pea ʻe fakakofu ʻaki ia hono nāunaú ʻi he ʻaó, ʻi he toʻukupu toʻomataʻu ʻo e Foha ʻo e tangatá.