21 Pea naʻe omi ha tangata kiate ia, ʻo tukuakiʻi ia ʻo pehē, Ko e hā ʻokú ke tali ai e kau fai angahalá, ka ʻokú ke pehē ko koe ʻa e ʻAloʻo e ʻOtuá.

22 Ka naʻá ne tali kiate kinautolu ʻo pehē, Ko e moʻoni ʻoku ou talaatu kiate kimoutolu, Ko e angahala kotoa pē kuo fai ʻe he tangatá, ʻe fakamolemoleʻi kinautolu ʻi heʻenau fakatomalá; he naʻá ku haʻu ke malanga ʻaki e fakatomalá ki he ngaahi foha ʻo e tangatá.

23 Pea ko e ngaahi lea koví, ʻa ia te nau lea kovi ʻakí, ʻe fakamolemoleʻi kinautolu ʻoku haʻu kiate au, mo fai ʻa e ngaahi ngāue ʻoku nau mamata ʻoku ou faí.

24 Ka ʻoku ʻi ai ha angahala ʻe ʻikai fakamolemoleʻi. Ko ia ia te ne lohiakiʻi e Laumālie Māʻoniʻoní, he ʻikai pē teitei fakamolemoleʻi; ka ʻoku tuʻutāmaki ki hono tuʻusi hifo mei he māmaní. Pea te nau maʻu e fakamalaʻia taʻengata.

25 Pea naʻá ne folofola ʻaki ʻeni kiate kinautolu koeʻuhí he naʻa nau pehē, ʻoku ʻiate Ia ha laumālie ʻuli.