JS—Ukok, Matu 16:25–29. Keidi Matu 16:24–26
Jisōs ej kōm̧eļeļeik ta m̧eļeļein “n̄an kotak debwāāl eo am make”: n̄an kaarmejjete nana otemjeļo̧k im jurjurmelea otemjeļo̧k an laļ im n̄an kōjparok kien ko An.
25 Innām Jisōs eaar ba n̄an ro rikaļooran, Eļan̄n̄e jabdewōt armej ekōņaan ļoore Eō, e en kaarmejjete e make, im kotak debwāāl eo an im ļoore Eō.
26 Im kiiō n̄an an juon armej kotak debwāāl eo an, ej n̄an kaarmejjete e make nana otemjeļo̧k, im jurjurmelea otemjeļo̧k an laļ, im kōjparok kien ko Aō.
27 Jab rupi kien ko Aō n̄an lo̧mo̧o̧ren mour ko ami; bwe jabdewōt eo enaaj lo̧mo̧o̧ren mour eo an ilo laļ in, e naaj joļo̧k e ilo laļ eo ej itok.
28 Im jabdewōt eo e naaj joļo̧k mour eo an ilo laļ in, kōn Eō, e naaj lo e ilo laļ eo ej itok.
29 Kōn menin, kaarmejete laļ in, im lo̧mo̧o̧ren ami, bwe ta tokjān n̄an juon armej, elan̄n̄e enaaj bōk aolepān laļ, im joļo̧k an make? Ak ta eo juon armej enaaj leļo̧k bwe en oktan an?