JS—Ukok, Matu 4:1, 5–6, 8–9. Keidi Matu 4:1, 5–6, 8–9; oktak ko āier wōt kein rekar kōm̧m̧an ilo Luk 4:2, 5–11
Jetōb eo ej tōlļo̧k Jisōs, ej jab Setan.
1 Innām kar tōllōn̄ļo̧k Jisōs jān Jetōb eo, ļo̧k ilo āne jem̧aden, n̄an pād ippān Anij.
5 Innām Jisōs kar bōklōn̄ļo̧k ilo jikin kwelo̧k ekwōjarjar eo, im Jetōb eo eaar likūt E ioon jeeban tampeļ eo.
6 Innām devil eaar itok n̄an Ippān im ba, Eļan̄n̄e kwōj Nejin Anij, kwōn kālo̧k laļļo̧k: bwe em̧ōj jeje, E enaaj lewōj enjeļ ro An n̄an kōjparok Eok: im ilo pā ko peier renaaj bo̧uri Eok, bwe Kwōn jab kaitaake Neem ippān juon dekā.
8 Im bar juon alen, Jisōs ekar pād ilo Jetōb eo, im eaar bōklōn̄ļo̧k E n̄an juon toļ ekanooj utiej, im kwaļo̧k n̄an E aelōn̄ in kiin̄ ko an laļ im aiboojoj eo aer.
9 Im devil eaar itok n̄an e bar juon alen, im ba, Aolep men kein otemjeļo̧k inaaj liwōj n̄an Eok, eļan̄n̄e Kwōj bukwelōlō im kabun̄-jar n̄an eō.
JS—Ukok, Matu 4:11. Keidi Matu 4:11
Jisōs ej jilkinļo̧k enjeļ ro n̄an jipan̄ e Jon Peptaij.
11 Im kiiō Jisōs eaar jeļā bwe Jon rekar joļo̧k ilo kalbuuj, im Eaar jilkinļo̧k enjeļ ro, im lo, raar ilo̧k im jipan̄ e.
JS—Ukok, Matu 4:18. Keidi Matu 4:19
Rikanaan ro ilo Kallim̧ur Em̧or rej ekkōnono kōn Jisōs.
18 Im Eaar ba n̄an er, N̄aij eo kar jeje kake jān rikanaan ro; ļoore Eō, im Inaaj kōm̧m̧an bwe kom̧in rieo̧n̄ōd armej
JS—Ukok, Matu 4:22. Keidi Matu 4:23
Jisōs ej kōmour armej ro ilubwiljin ro rej tōmak ilo Etan.
22 Im Jisōs eaar etetal ilo aolepān Galili im katakin ilo im̧ōn kwelo̧k ko aer, im kwaļo̧k naan kōn gospel eo an aelōn̄ eo; im kōmour aolep nan̄inmej otemjeļo̧k, im aolep ban otemjeļo̧k ilubwiljin armej ro rekar tōmak ilo Etan.