JS—Ukok, Matu 6:14. Keidi Matu 6:13; oktak ko āier wōt kein rekar kōm̧m̧an ilo Luk 11:4
Irooj ej jab tōlļo̧k kōj ilo kapo.
14 Im jab kōtļo̧k kōm bwe devil en tōlļo̧k kōm ilo kapo, a lo̧mo̧o̧ren kōm jān nana.
JS—Ukok, Matu 6:22. Keidi Matu 6:22
Eļan̄n̄e mejad rej mejōkļo̧k wōt aiboojoj eo an Anij, aolepān ānbwin ko ad renaaj obrak kōn meram.
22 Meram eo an ānbwin ej māj; kōn menin eļan̄n̄e mejam̧ ej mejōk wōt aiboojoj eo an Anij, aolepān ānbwinnūm enaaj obrak kōn meram.
JS—Ukok, Matu 6:25–27. Keidi Matu 6:25; 10:10
Jisōs ej kakkōl ro Rikaloran kōn pen in jerbal eo aer ak Ej kallim̧uri er bwe E naaj kōpooj iaļ eo im bwe Jemān Ilan̄ enaaj na wāween aikuij ko aer.
25 Im, bar juon alen, Ij ba n̄an kom̧, Kom̧in ilo̧k ilo laļ, im jab inepata kōn laļ; bwe laļ enaaj dike kom̧, im enaaj matōrtōre kom̧, im naaj kadieojļo̧k kom̧ jān im̧ōn kwelo̧k ko aer.
26 Mekarta, kom̧ naaj ilo̧k jān em̧ n̄an em̧, im katakin armej; im I naaj etal im̧am̧i.
27 Im Jemāmi Ilan̄ enaaj na wāween aikuij ko am̧i, jabdewōt men ko kom̧ij aikuiji kōn mōn̄ā, ta kom̧ naaj kan̄e; im kōn balle, ta kom̧ naaj kōnake ak nuknuk.
JS—Ukok, Matu 6:38. Keidi Matu 6:33
Jen kappukot m̧okta n̄an kalōk aelōn̄ in Anij.
38 Kōn menin, jab kappukot men ko an laļ in a kom̧in kappukot m̧okta n̄an kalōk aelōn̄ in Anij, im n̄an kajutak kwōjarjar eo An, im aolep men kein otemjeļo̧k naaj koorļo̧k n̄an kom̧.