GJS, UMateyu 4:1, 5–6, 8–9. Thelekisa noMateyu 4:1, 5–6, 8–9; iinguqu ezifanayo zenziwa kuLuka 4:2, 5–11
UYesu unyuswa nguMoya, ingenguye uSathana.
1 Ngoko uYesu wanyuswa nguMoya, entlango ukuze abe kunye noThixo.
5 Ngoko ke uYesu wathatyathelwa phezulu kumzi ongcwele, waze uMoya wammisa eluchochoyini lwetempile.
6 Ngoko ke umtyholi weza kuye waza wathi, Ukuba unguNyana kaThixo, ziphosele ezantsi, kuba kubhaliwe kwathiwa, uya kuziwisela umthetho ngawe izithunywa zakhe, kwaye ezandleni zazo ziya kufukulela phezulu, hleze nangaliphi ixesha uya kubetheka ngonyawo lwakho elityeni.
8 Kwaye kwakhona, uYesu wayekuMoya, kwaye umthabathe wamsa entabeni ephakame ngokugqithileyo, uye wambonisa zonke izikumkani zehlabathi nozuko lwazo.
9 Kwaye umtyholi weza kuye kwakhona, kwaye wathi, Zonke ezi zinto ndokunika, ukuba uthe wawa phantsi waza waqubuda kum.
GJS, UMateyu 4:11. Thelekisa noMateyu 4:11
UYesu uthumela izithunywa zilungiselele uYohane uMbhaptizi.
11 Kwaye ngoku uYesu wazi ukuba uYohane wayephoswe entolongweni, kwaye ke wathumela izithunywa, kwaye, qaphela, zeza zaze zamlungiselela.
GJS, UMateyu 4:18. Thelekisa noMateyu 4:19
Abaprofeti beTestamente eNdala bathetha ngoYesu.
18 Kwaye wathi kubo, ndingulowo kubhalwe ngaye ngabaprofeti; ndilandeleni, ndaye ndiya kunenza ababambisi babantu.
GJS, UMateyu 4:22. Thelekisa noMateyu 4:23
UYesu uphilisa abantu phakathi kwabo bakholwayo egameni Lakhe.
22 Kwaye uYesu wahamba lonke elaseGalili efundisa ezindlwini zabo zesikhungo, kwaye eshumayela ivangeli yobukumkani; kwaye ephilisa iintlobo zonke zezifo, neentlobo zezikhunlane zonke phakathi kwabantu abakholwayo egameni lakhe.