5 Pea kapau te tau kei nofo ʻi heʻetau taʻe-māʻoniʻoní mo fakamoʻoni ki he māʻoniʻoni ʻa e ʻOtuá, ʻe fēfē ai haʻatau pehē, ʻoku taʻe-māʻoniʻoni e ʻOtuá ʻi heʻene houhau sāuní? (ʻOku ou lea ko ha tangata ʻoku manavahē ki he ʻOtuá,)

6 ʻE ʻikai ʻaupito; he ka ne pehē, ʻe fēfē hano fakamaau ʻe he ʻOtuá e māmaní?

7 He kapau kuo tupulekina e moʻoni ʻa e ʻOtuá ʻi heʻeku loí (ʻo hangē ko e fakakaukau ʻa e kau Siú) ki hono nāunaú; ko e hā kuo fakamāuʻi ai au ko e angahalá? pea ʻikai talí? Koeʻuhí he kuo fakaongoongokoviʻi kimautolu;

8 Pea ʻoku fakapapauʻi ʻe ha niʻihi naʻa mau tala, (ʻa ia ʻoku totonu honau fakamalaʻiaʻí,) Tuku ke mau fai kovi ke tupu ai ha lelei. Ka ko ha loi eni.