LSS, Loma 8:8. Fakafehoanaki mo e Loma 8:8
Ko kinautolu ʻoku muimui ki he ngaahi founga ʻo e kakanó ʻoku ʻikai te nau lava ʻo fakahōifuaʻi ʻa e ʻOtuá.
8 Ko ia ko kinautolu ʻoku moʻui ʻo fakatatau ki he kakanó ʻoku ʻikai te nau lava ʻo fakahōifuaʻi ʻa e ʻOtuá.
LSS, Loma 8:29–30. Fakafehoanaki mo e Loma 8:29–30
ʻOku fakamāʻoniʻoniʻi ʻe Sīsū Kalaisi ʻa e kau māʻoniʻoní ko e teuteu ki honau fakamoʻuí.
29 He ko kinautolu naʻá ne tomuʻa ʻiló; naʻá ne tomuʻa fakanofo kinautolu ʻi hono tataú, koeʻuhi ke hoko ia ko e ʻuluaki fānau ʻi he kāinga tokolahi.
30 ʻIkai ngata aí, ko ia ʻa ia naʻá ne tomuʻa fakanofó, naʻá ne ui foki ia; pea ko ia naʻá ne uí, naʻá ne fakamāʻoniʻoniʻi foki; pea ko ia naʻá ne fakamāʻoniʻoniʻí, naʻá ne fakalāngilangiʻi foki.