¶ 1 OKU ogo‘i e he foha oku boto ae akonaki a ene tamai: ka oku ikai ke ma‘u ae valoki e he faa manuki.

2 E kai e he tagata ae lelei i he fua o hono gutu: ka e hoko ae fakamalohi ki he laumalie oe kakai fai kovi.

3 Koia oku vakai ki hono gutu, oku tauhi eia ene moui: ka e hoko ae fakaauha kiate ia oku fakamaga lahi hono lougutu.

4 Oku holi ae laumalie oe fakabikobiko, ka oku ikai te ne ma‘u ha mea: ka e fafaga‘i ae laumalie oe faa gaue.

5 Oku fehia ki he loi ae tagata maonioni: ka koe tagata agahala koe fakalielia ia, bea oku hoko ia o ma.

6 Oku fokotuu mau i hono hala e he maonioni aia oku agatonu; ka oku tulaki hifo e he kovi aia oku agahala.

7 Oku ai aia oku ne fakama‘umea‘i ia, ka oku ne majiva be: bea oku ai aia oku ne fakamajiva‘i ia, ka oku ma‘u eia ae koloa lahi.

8 Koe koloa ae tagata koe huhui ia o ene moui: ka oku ikai fanogo ki he valoki ae majiva.

9 Oku fiefia ae māma oe maonioni; ka e tamate‘i ae māma oe agahala.

10 Oku tubu be i he fielahi ae fekeikei: ka oku ma‘u ae boto ekinautolu kuo akonaki‘i lelei.

11 Koe koloa oku ma‘u i he vikiviki e fakaaau ia ke oji: ka e fakalahi ia kiate ia oku tanaki i he faa gaue.

12 Oku bogia ae loto i he amanaki oku tuai ene hoko: bea ka hoko mai aia oku holi ki ai, oku hage ia koe akau oe moui.

13 E fakaauha ia aia oku fehia ki he folofola: ka e fiemalie be ia aia oku manavahe ki he fekau.

14 Koe fono ae boto koe matavai ia oe moui, ke tau hao ai mei he gaahi tauhele oe mate.

15 Oku tubu mei he fakakaukau lelei ae ofa: ka oku faigataa ae hala oe kakai agahala.

16 Oku faa kau ki he ilo ae tagata fakabotoboto: ka oku fakaha be e he vale a ene vale.

17 Oku to ki he kovi ae talafekau agakovi: ka koe fakamoui ae talafekau oku agatonu.

18 E hoko oe majiva moe ma kiate ia oku ne teke‘i ae akonaki: ka e hakeaki‘i ia aia oku tokaga ki he valoki.

19 Oku hua melie ki he laumalie ae hoko mai oe mea oku tau holi ki ai: ka koe mea fakalielia ki he vale ae tafoki mei he kovi.

20 Koia oku aeva fakataha moe kakai boto e boto ai ia: ka e fakaauha ia oku kaumea moe kakai vale.

21 Oku tulia ae kau agahala e he kovi: ka e toe totogi aki ae lelei kiate kinautolu oku maonioni.

22 Oku tuku ae tofia e he tagata agalelei ki he fānau a ene fānau: ka koe koloa ae agahala kuo tanaki ma ae kakai agatonu.

23 Oku ai ae mea kai lahi i he faa keli ae majiva: ka oku ai oku maumau‘i koe mea i he majiva boto.

24 Koia oku ne taofi ene mea kinikiniji oku ne fehia ki hono foha: ka koia oku ofa ki ai oku ne tautea ia oka aoga ke fai.

25 Oku kai e he maonioni ke fakamakona hono laumalie: ka e fiekaia ae kete oe agahala.