¶ 1 OKU mei a Jihova ae teuteu oe loto i he tagata, bea moe tali oe elelo.

2 Oku maa ae hala kotoabe oe tagata ki hono mata oona; ka oku fakamāu e Jihova ae gaahi laumalie.

3 Tuku kia Jihova hoo gaue kotoabe, bea e fokotuu mau ai hoo gaahi mahalo.

4 Kuo gaohi e Jihova ae mea kotoabe maana: io, naa moe kau agahala ki he aho oe kovi.

5 Oku fakalielia kia Jihova akinautolu kotoabe oku loto fielahi: bea kabau e buke ae nima ki he nima, e ikai tae hoko hono tautea.

6 Oku fakamaa mei he agahala e he aloofa moe mooni: bea koe mea i he manavahe kia Jihova oku tafoki ai ae tagata mei he kovi.

7 Oka lelei kia Jihova ae gaahi hala oe tagata, oku ne bule ki hono gaahi fili ke nau fakalelei mo ia.

8 Oku lelei hake ae mea jii moe maonioni, i he ma‘u ae koloa lahi i he tae totonu.

9 Oku fili e he loto oe tagata ki hono hala: ka oku fakahinohino e Jihova a ene gaahi laka.

10 Oku ha‘u mei he lougutu oe tu‘i ae fakamāu oku totonu: oku ikai fai hala hono gutu i he ene fai ae fakamāu.

11 Koe mea fakamamafa moe mea fakatatau totonu oku mei a Jihova ia: koe maka fakamamafa kotoabe oku i he kato ko ene gaue ia.

12 Koe mea fakalielia ae fai agahala ae gaahi tu‘i: he oku fokotuu mau ae nofoa oe tu‘i i he maonioni.

13 Koe fiefiaaga oe gaahi tu‘i ae lougutu oku maonioni; bea oku nau ofa kiate ia oku lea totonu.

14 Koe tubutamaki oe tu‘i oku tatau ia moe gaahi talafekau ae mate: ka e lolomi ia e he tagata oku boto.

15 I he māma oe fofoga oe tu‘i oku ai ae moui; bea ko ene ofa oku hage ia koe ao oe uha mui.

16 He ikai oku lelei hake ae ma‘u oe boto i he ma‘u oe koula? bea ikai oku lelei hake ae ma‘u ae faa ilo i he fili ki he siliva?

17 Koe hala motua oe agatonu koe nau afe mei he kovi: koia oku tauhi ki hono hala oku fakamoui eia hono laumalie.

18 Oku muomua ae fielahi i he fakaauha, bea moe loto agahiki i he hoko ae higa.

19 Oku lelei lahi hake ia ke loto agavaivai moe kakai agavaivai, i he vahevahe ha koloa kuo ma‘u moe fielahi.

20 E ma‘u ae lelei eia oku tokaga fakabotoboto ki ha mea: bea oku monuia ia aia oku falala kia Jihova.

21 E ui akinautolu oku loto boto koe fakamakukaga; bea oku tubu ae boto mei he lougutu oku melie.

22 Koe faa ilo koe matavai ia oe moui kiate ia oku ma‘u ia: ka koe akonaki mei he vale koe vale be ia.

23 Oku ako‘i e he loto oe boto a hono gutu, bea oku ne fakalahi ae boto ki hono lougutu.

24 Oku tatau moe geeji oe honi ae lea malie, i hono hua melie ki he laumalie, bea koe moui ia ki he gaahi hui.

25 Oku ai ae hala oku matamata totonu ki he tagata, ka ko hono gataaga oona koe gaahi hala ki he mate.

26 Koia oku gaue oku gaue maana: he oku tagi ai kiate ia a hono gutu.

27 Oku keli hake ae kovi e he tagata agakovi: bea oku i hono lougutu ae afi kakaha.

28 Oku tūtū‘i e he tagata agakovi ae feiteitani: bea oku fakamavae e he tagata faa fafana ae kaumea feofoofani.

29 Oku fakahala‘i e he tagata oku agamalohi a hono kaiga, o ne tataki ia ki he hala oku ikai lelei.

30 Oku ne fakamohe hono mata koeuhi ke ne fakakaukau ki he gaahi mea oku kovi: i he gaue a hono lougutu oku hoko ai ae kovi.

31 Koe ulu hina koe tatā ia oe ogoogolelei, o kabau oku ilo ia i he hala oe maonioni.

32 Koia oku fakatotoka ki he ita oku lelei hake ia i ha taha oku malohi; bea behe foki ia oku faa bule ki hono loto i ha taha oku hamu ha kolo.

33 Oku li ki he loto kofu ae talotalo; ka oku ia Jihova a hono fakamāu‘i.