¶ 1 OKU lelei lahi hake ae tagata oku majiva kae alu i he ene agatonu, iate ia oku kovi hono lougutu, bea oku vale.

2 Koeni foki, oku ikai lelei ki he laumalie ke taeboto: bea koia oku oho vee vave oku agahala ia.

3 Koe mea i he vale oe tagata oku bikobiko ai hono hala: bea oku lāuga ai hono loto kia Jihova.

4 Oku fakatokolahi ae kaumea e he koloa: ka oku vamamao ae majiva mo hono kaugaabi.

5 E ikai tuku ke tae tautea ae fakamooni loi, bea e ikai hao ia aia oku faa lea aki ae loi.

6 E kole tōtōaki e he toko lahi ke ofa mai ae houeiki: bea oku kaumea ae kakai kotoabe mo ia oku faa foaki.

7 Oku fehia ki he majiva a hono tokoua kotoabe: kae hua noa ae fakamamao a hono kaiga be kiate ia! oku ne tagi toubili kiate kinautolu, ka oku nau tae tokaga‘i.

8 Koia oku ma‘u ae boto oku ofa ia ki hono laumalie oona: bea koia oku tauhi ae faa ilo e ma‘u eia ae lelei.

9 E ikai tuku ke tae tautea ae fakamooni loi, bea e fakaauha ia aia oku faa lea aki ae loi.

10 Oku ikai gali moe vale ae fiefia; kae hua noa hono tae gali oe bule ae tamaioeiki ki he houeiki.

11 Oku fakatuotuai ae ita e he fakabotoboto ae tagata: bea koe mea oku ne ogoogolelei ai ko ene fakamolemole ha agahala.

12 Oku tatau ae tubutamaki oe tu‘i moe gugulu ae laione; ka ko ene loto lelei oku hage koe hahau ki he mohuku.

13 Koe foha vale koe fakamamahi‘i ia o ene tamai: bea koe faa ke ae fefine oku unoho oku tatau moe hafu mau ai be ae vai.

14 Koe fale moe koloa koe tofia ia o kinautolu kuo hoko koe tamai: bea koe fefine alafia oku aga fakabotoboto oku mei a Jihova ia.

15 Oku hoko ae mohe mau i he fakabikobiko; bea e fakamamahi aki ae fiekaia ae laumalie oku fakabikobiko.

16 Ko ia oku tauhi ae fekau oku ne tauhi ki hono laumalie oona: ka ko ia oku tae tokaga ki hono gaahi hala e mate ia.

17 Ko ia oku manavaofa ki he majiva oku foaki eia kia Jihova: bea ko ia kuo ne foaki te ne toe totogi kiate ia.

18 Tautea ho foha i he lolotoga oku ai ha amanaki lelei kiate ia, bea oua naa ke mamae koeuhi ko ene tagi.

19 E hoko ae tautea ki he tagata oku faa ita: he kabau te ke lagomaki‘i ia, te ke toe fiu be i hono fai.

20 Fanogo ki he tala fakaboto, bea ke ma‘u ae akonaki, koeuhi ke ke boto ai i ho gataaga.

21 Oku lahi ae filioi i he loto oe tagata; ka e tuu mau be ae tuutuuni a Jihova.

22 Oku holi ae tagata ke ne agalelei: bea oku lelei hake ae tagata majiva i he tagata oku loi.

23 Oku hoko ki he moui ae manavahe kia Jihova: bea e nofo fiemalie aia oku ne ma‘u ia; e ikai aahi kiate ia ha kovi.

24 Oku fakafufu e he tagata fakabikobiko a hono nima ki hono fatafata, bea oku ikai te ne toe faa omi ia ki hono gutu.

25 Teia aia oku manuki, bea e tokaga ai ae tae boto: bea valoki‘i ia oku faa fakakaukau, bea te ne ilo ai ae boto.

26 Ko ia oku ne fakamajiva‘i a ene tamai, bea kabuji atu a ene fa‘e, koe foha ia oku tubu ai ae ma, bea oku ha‘u mo ia ae manuki.

27 E hoku foha, ke tukuā, bea oua naa ke fanogo ki he akonaki aia oku tubu ai ae he mei he gaahi lea ae boto.

28 Oku manuki‘i ae fakamāu e he fakamooni agakovi: bea oku kai ae kovi e he gutu oe agahala.

29 Oku talifaki ae gaahi malaia ki he kau manuki, moe gaahi ta ki he tua oe kakai vale.