¶ 1 OKU i he nima o Jihova ae loto oe tu‘i, o hage koe vai oe gaahi vaitafe: he oku ne fefakatafokiaki ia ko ene faiteliha aana.

2 Oku matamata totonu ae hala kotoabe oe tagata ki hono mata oona: ka oku ahiahi‘i e Jihova ae loto.

3 Koe fai totonu moe fakamāu oku lelei hake ia kia Jihova i he feilaulau.

4 Koe mata oku fieeiki, moe loto fielahi, bea moe keli ae kakai agakovi, koe agahala ia.

5 Oku tubu ae mahu i he fakakaukau ae faa gaue; ka koe majiva be kiate ia oku fai fakavavevave noabe.

6 Koe ma‘u ae koloa lahi aiki ae elelo loi, koe vaiga ia oku viligia fano iate kinautolu oku kumi ki he mate.

7 Koe kaihaa ae kakai agakovi e auha ai akinautolu; koeuhi oku ikai te nau loto ki he fai totonu.

8 Oku bikobiko mo alu kehe ae hala oe tagata: ka oku totonu ae gaue aana oku loto maa.

9 Oku lelei hake ae nofo ki he tuliki i ha tua fale, i he nofo i loto fale mo ha fefine oku faa ke.

10 Oku holi ki he kovi ae laumalie oe agahala: bea oku ikai ma‘u ha lelei e hono kaugaabi i hono ao.

11 Oka tautea aia oku faa manuki, e boto ai ae vale: bea ka akonekina ae boto, oku ne ma‘u ai ae ilo.

12 Oku fakakaukau boto ae tagata maonioni ki he fale oe agahala: bea oku li ki lalo ae agahala e he Otua koeuhi ho ene agahala.

13 Ko ia e tabuni hono teliga ki he tagi ae majiva e tagi foki ia, ka e ikai ogo‘i e ha taha.

14 Oku lolomi ae ita oka atu fufu ha mea foaki: bea oku taofi e he totogi fufu ae houhau lahi.

15 Koe fakamāu koe fiefiaaga ia oe maonioni: ka e hoko ae fakaauha ki he fai kovi.

16 E nofo mau i he fakatahaaga oe kakai mate ae tagata koia oku he mei he hala oe boto.

17 Ko ia oku manako ki he vaiga e hoko ia koe tagata majiva: e ikai koloaia ia aia oku manako ki he kava moe lolo.

18 E fetogi e he agahala ae maonioni, bea mo ia oku fai kovi ae agatonu.

19 Oku lelei hake ae nofo i he toafa, i he nonofo mo ha fefine faa ke mo faa ita.

20 Oku ai ae koloa ke manako ki ai, bea moe lolo i he fale oe boto; ka oku fakaoji noabe ia e he tagata vale.

21 Ko ia oku tulituli bau ki he maonioni moe aloofa te ne ma‘u ae moui, moe maonioni, bea moe ogolelei.

22 Oku kaka e he tagata boto ae a oe kolo ae malohi, o ne maumau‘i hono malohi mo ene viki.

23 Ko ia oku tauhi hono gutu mo hono elelo oku fakahaofi eia hono laumalie mei he gaahi mamahi.

24 Ko fielahi mo manuki fieeiki koe higoa ia oona, oku faa ita i he laukau.

25 Koe holi ae fakabikobiko e mate ai ia; he oku fakafiji hono nima ki he gaue.

26 Oku manumanu aubito ia i he aho o bouli: ka oku faa foaki ae maonioni o ikai te ne faa taofia a.

27 Koe mea fakalielia ae feilaulau ae agahala: kae hua noa i hono omi ia moe loto kovi!

28 E auha ae fakamooni loi: ka koe tagata oku faa fakafanogo oku lea māu ia.

29 Oku fakafefeka e he tagata agakovi a hono mata: ka oku fakakaukau e he agatonu ki hono hala.

30 Oku ikai ha boto be ha fakakaukau be ha tuutuuni e faa tuu kia Jihova.

31 Oku teuteu ae hose ki he aho oe tau: ka oku mei a Jihova ae faa ikuna.