¶ 1 OKU hage koe uha hinehina i he faahita‘u mafana, moe uha i he lolotoga oe ututa‘u, oku behe hono tae tāu ae ogoogolelei mo ha vale.

2 Hage koe manu buna oku hehe, bea moe bekebeka i he ene buna, oku behe, e ikai hoko mai ae fakamalaia tae hano uhiga.

3 Koe mea kiniji ki he hose, moe mea taofi ki he asi, bea moe mea ta ki he tua oe vale.

4 Oua naa tali aki ae vale a ene vale, telia naa ke hoko o tatau be mo ia.

5 Ke talia ae vale o fakatatau mo ene vale, telia naa boto ia i hono mata oona.

6 Ko ia oku ne ave ha fekau i he nima o ha taha oku vale oku ne tuuji ae va‘e, mo inu i he fakamamahi.

7 Oku ikai tatau ae va‘e oe tagata ketu: oku behe foki ae lea fakatātā i he gutu oe kakai vale.

8 Oku hage ha taha oku ne ai ae maka i he makatā, oku behe be ia aia oku fakaogoogolelei‘i ae vale.

9 Oku hage koe tau ae tala‘i akau i he nima oe tagata kona, oku behe be ae lea fakatātā i he gutu oe kakai vale.

10 Koe Otua aia nae gaohi ae mea kotoabe oku ne fakatou atu ae totogi ki he vale, bea moe kau fai kovi.

11 Hage koe tafoki mai ae kuli ki he ene lua, oku behe ae toe fai e he vale a ene vale.

12 Oku ke mamata ki ha tagata oku ne mahalo kiate ia koe boto ia? oku tau amanaki lelei hake ki he vale iate ia.

13 Oku behe e he tagata fakabikobiko, oku ai ae laione i he hala: oku i he hala oe kolo ae laione.

14 Hage koe fealuaki ae mataba i hono mea tautau, oku behe aia oku fakabikobiko i hono mohega.

15 Oku fakafufu e he fakabikobiko a hono nima i hono fatafata; bea oku mamahi ia i he ene toe omi ia ki hono gutu.

16 Oku boto hake ae fakabikobiko i he ene mahalo aana, i he kau tagata e toko fitu oku faa tali aki ae lea oku totonu.

17 Ko ia oku aluage, bea ne kau noa i ha fakakikihi nae ikai kau ai ia, oku tatau ia mo ha taha oku buke ha kuli i hono teliga.

18 Hage ha tagata faha oku li fano eia ae afi, moe gaahi gahau, moe mate,

19 Oku behe be ae tagata oku ne kākā‘i hono kaugaabi, o ne behe, Ikai ko eku fakava be?

20 I he ikai ha fefie oku mate ae afi: bea behe, i he ikai ha fakakovi kuo logo leva ae fakakikihi.

21 Hage koe malamala ki he malala vela, moe fefie ki he afi; oku behe ae tagata faa fakakikihi ke fakatubu ae ke.

22 Koe gaahi lea ae tagata faa fafana oku hage ia koe gaahi makafokafo, bea oku aji mai ia ki he kakano oe loto.

23 Koe lougutu labu moe loto kovi oku tatau mo ha koga ibu maumau kuo ufiufi aki ae siliva.

24 Ko ia oku taufehia, oku labu aki eia a hono lougutu, ka oku nofo i hono loto ae kākā;

25 Oka matamata lelei ene lea, oua naa ke tui kiate ia: he oku fitu ae mea fakalielia i hono loto.

26 Koia oku ne fakafufu ene fehia aki a ene fai kākā, e fakaha a ene fai kovi i he ao oe fakataha kotoabe.

27 Ko ia oku keli ae luo e to ia ki ai: bea ko ia oku teka‘i ae maka e toe oho mai ia kiate ia.

28 Oku fehia ae elelo loi kiate kinautolu oku mamahi ai; bea oku tubu ae malaia mei he gutu oku labu.