¶ 1 OKU hola ae kakai fai kovi i he ikai tuli ki ai ha taha: ka oku to‘a ae maonioni o hage koe laione.

2 Koe mea i he fai hala ae fonua koia oku tubu o toko lahi ai hono houeiki: ka koeuhi koe tagata boto mo iloilo e fakatologa ai hono lelei.

3 Koe tagata majiva oku fakamalohi ki he majiva oku tatau be ia moe uha lolo oku auha ai ae mea kai.

4 Oku fakamalo ki he agahala ekinautolu oku liaki ae fono: ka oku fakakikihi mo kinautolu akinautolu oku tauhi ki he fono.

5 Oku ikai ilo‘i ae fakamāu e he kakai agakovi: ka oku ilo ae mea kotoabe ekinautolu oku kumi kia Jihova.

6 Oku lelei hake aia oku majiva ka oku eveeva i he ene agatonu, iate ia oku koloaia ka oku bikobiko hono gaahi hala.

7 Ko ia oku fai ki he fono koe foha boto ia: ka ko ia oku kaumea moe kakai fakamaveuveu oku fakama‘i eia a ene tamai.

8 Ko ia oku fakalahi ene koloa i he foaki baaga ke toe totogi mai, moe fai tae totonu, e tanaki ia eia ki ha taha e manavaofa ki he majiva.

9 Ko ia oku fakatafoki hono teliga ke oua naa ne fanogo ki he fono, e hoko ene lotu aana koe mea fakalielia.

10 Ko ia e fakahe‘i ae maonioni ke ne alu i ha hala kovi, e to be foki ia ki he ene luo aana: ka e ma‘u e he fai totonu ae gaahi mea lelei.

11 Oku boto ae tagata koloaia i hono mata oona; ka oku ilo‘i ia e he tagata majiva oku faa fakakaukau.

12 Oka fiefia ae kakai maonioni, oku ai ae ogoogolelei lahi: ka oka bule ae agahala, kuo fakafufu ae tagata.

13 E ikai monuia ia aia oku ufiufi ene gaahi agahala: ka ko ia oku vete ia mo liaki e ma‘u eia ae aloofa.

14 Oku monuia ae tagata oku manavahe mau ai be: ka e to ki he kovi aia oku fakafefeka hono loto.

15 O hage koe laione gugulu, moe beaa oku oho fano; oku behe ae bule oku agakovi ki he ene kakai majiva.

16 Koe tu‘i foki oku majiva i he fakakaukau oku lahi ene fakamalohi: ka ko ia oku fehia ki he manumanu oku fakatologa eia hono gaahi aho.

17 Koe tagata koia oku fai fakamalohi ki he toto o ha toko taha e mole ia ki he luo; oua naa taofi ia e ha toko taha.

18 Ko ia oku eveeva i he agatonu e fakamoui ia: ka e higa leva ia aia oku bikobiko hono gaahi hala.

19 Ko ia oku faa gaue ki he ene goue e ma‘u eia ae mea kai lahi: ka e lahi mooni ae majiva kiate ia oku muimui ki he kakai taeboto.

20 E lahi aubito ae tabuaki ki he tagata oku agatonu: ka ko ia oku fai fakatootoo ke ne koloaia e ikai tonuhia ia.

21 Oku ikai lelei ke filifilimanako: he koe tagata oku behe, e fai hala ia ke ne ma‘u ai ha koga ma.

22 Oku iate ia oku fai fakatootoo ke ne koloaia ae mata oku kovi, bea oku ikai te ne tokaga‘i e hoko mai ae majiva kiate ia.

23 Ko ia oku lea valoki ki ha tagata e ma‘u eia ae ofa lahi hake amui iate ia oku lea labu aki ae elelo.

24 Ko ia oku kaihaa mei he ene tamai be ko ene fa‘e, o ne behe, Oku ikai koe fai hala ia; oku kaumea ia moe tagata fakaauha.

25 Ko ia oku loto fielahi oku fakatubu eia ae fekeikei: ka e fakamonuia ia aia oku falala kia Jihova.

26 Ko ia oku falala ki hono loto oona koe vale ia: ka ko ia oku alu fakabotoboto, e fakahaofi ia.

27 Ko ia oku faa foaki ki he majiva e ikai majiva ia: ka ko ia oku fufu hono mata e lahi ae fakamalaia e hoko ki ai.

28 Oka hakeaki‘i ae agahala, oku toitoi ae kakai: ka oka auha akinautolu, oku tubu o toko lahi ae maonioni.