¶ 1 KO ia kuo liuga lahi hono valoki‘i kae fakakekeva eia hono kia, e fakaauha fakafokifa ia, bea e ikai ha fakamoui ki ai.

2 Oka bule ae maonioni oku fiefia ai ae kakai: ka oka ma‘u ae bule e he agahala oku mamahi ai ae kakai.

3 Ko ia oku manako ki he boto oku ne fakafiefia‘i a ene tamai: ka oku maumau‘i ene koloa eia oku kaumea moe kau faa feauaki.

4 Koe mea i he fakamāu totonu ae tu‘i oku fokotuu mau ai ae fonua: ka ko ia oku ne faa ma‘u ae gaahi foaki oku ne fakamalaia ia.

5 Koe tagata koia oku lea labu ki hono kaugaabi oku aau eia ae kubega ki hono va‘e.

6 Koe fai agahala ae tagata agakovi koe tauhele ia: ka oku hiva mo fiefia ae maonioni.

7 Oku tokaga ae maonioni ki he majiva: ka oku ikai tokaga ae agakovi ke ilo‘i ia.

8 Oku tutu ae kolo e he kau tagata manuki; ka oku taofi atu ae houhau e he kakai boto.

9 Kabau oku fakakikihi ae tagata boto mo ha tagata vale, ne ogo ene lili be kata, e ikai ha fiemalie e tubu ai.

10 Oku fehia ki he agatonu aia oku fieinu ki he toto: ka oku kumi hono laumalie e he maonioni.

11 Oku fakaha e he vale a hono loto kotoabe: ka oku fakalaulau loto e he boto ki he amui:

12 Kabau oku faa tokaga aia oku bule ki he gaahi loi, e hoko o kovi a ene kau tamaioeiki kotoabe.

13 Oku faa fakataha be ae majiva bea moe kākā: bea oku fakatou māmagia ho na mata mei a Jihova.

14 E fokotuu mau ke taegata ae nofoa fakaeieiki oe tu‘i koia oku fai totonu ae fakamāu ki he majiva.

15 Oku tubu ae boto mei he mea ta moe valoki: ka koe tamajii oku tuku be ki he ene faiteliha oku ne fakama‘i a ene fa‘e.

16 Oka tubu o toko lahi ae kakai agahala oku tubu moe fai kovi: ka e mamata ae maonioni ki he e nau higa.

17 Ke ke taute‘i ho foha, bea te ke fiemalie iate ia: io, te ne fakafiefia‘i ho laumalie.

18 Oka ikai i ai ha kikite oku malaia ae kakai; ka oku monuia ia aia oku fai ki he fono.

19 E ikai boto ae tamaioeiki i ha lea valoki: he naa mo ene ilo‘i e ikai te ne talagofua.

20 Oku ke mamata ki ha tagata oku faa lea vave? oku tau amanaki lelei hake ki he vale iate ia.

21 Ko ia oku fakahikihiki a ene tamaioeiki talu ene kei tamajii, e faifai bea hoko ia amui ko hono foha.

22 Oku fakatubu ae fekeikei e he tagata faa ita, bea oku lahi ae fai hala ae tagata loto lili.

23 Koe fielahi ae tagata e fakahifo ai ia ki lalo; ka e boubou hake ae laumalie oe agavaivai aki ae ogoogolelei.

24 Ko ia oku kaumea moe kaihaa oku fehia ia ki hono laumalie oona: bea oku fanogo eia ki he kabe, ka e ikai te ne fakaha ia.

25 Koe manavahe ki ha tagata oku hoko ia koe tauhele: ka e moui be ia aia oku falala ki Jihova.

26 Oku kumi e he toko lahi ki he loto lelei oia oku bule; ka oku mei a Jihova ae fakamāu ki he tagata taki taha.

27 Koe tagata tae fai totonu oku fakalielia ia ki he agatonu: bea ko ia oku fai totonu i hono hala oku fakalielia ia ki he agahala.