¶ 1 E HOKU foha, oua naa fakagalo‘i a eku fono; ka ke tauhi e ho loto a eku gaahi fekau:

2 He koeuhi e fakalahi aki ia kiate koe ae gaahi aho loloa, moe moui fuoloa, bea moe melino.

3 Ke oua naa mahui iate koe ae manavaofa moe mooni: nonoo ia ki ho kia; tohi ia ki he kakano o ho loto:

4 Koia te ke ilo ai ae lelei, bea e tabuekina koe i he ao oe Otua moe tagata.

¶ 5 Falala kia Jihova aki ho loto kotoa; bea oua naa ke faaki ki ho boto oou.

6 Ke ke fakaogoogo kiate ia i ho hala kotoabe, bea e fakatonutonu eia ho gaahi aluaga.

¶ 7 Oua naa ke behe i ho mata oou, oku ke boto: ka ke manavahe kia Jihova, bea tafoki mei he kovi.

8 E hoko ia koe moui ki ho bito, moe uho ki ho gaahi hui.

¶ 9 Fakaabaaba kia Jihova aki hoo koloa, bea moe uluaki fua o hoo mea kotoabe kuo tubu:

10 Koia e fonu ai ho gaahi feleoko i he mahu, bea e ba ae uaine foou mei hoo gaahi tataoaga.

¶ 11 E hoku foha, oua naa ke manuki‘i ae tautea mei a Jihova; bea oua naa ke fiu i he ene valoki:

12 He koia oku ofa ki ai a Jihova oku ne tautea; o hage be koe tamai ki he foha oku ne fiemalie ai.

¶ 13 Oku monuia ae tagata koia oku ne ma‘u ae boto, moe tagata oku ne lava‘i ae ilo.

14 He oku maogooga hake ia i he fakatau oe siliva, mo hono mahuiga i he koula lelei.

15 Oku mahuiga hake ia i he gaahi maka koloa: bea oku ikai tatau mo ia ae gaahi mea kotoabe oku ke faa holi ki ai.

16 Oku i hono nima toomatau ae gaahi aho loloa; bea oku i hono nima toohema ae koloa moe ogoogolelei.

17 Ko hono gaahi hala koe hala oe fiemalie, bea oku melino a hono gaahi aluaga kotoabe.

18 Koe akau ia oe moui kiate kinautolu oku buke kiate ia: bea oku monuia akinautolu kotoabe oku kuku ia ke mau.

19 Kuo fokotuu e Jihova ae tuuga e mamani i he boto; bea i he ilo kuo ne teuteu ai ae gaahi lagi.

20 Koe mea i he ene faa ilo oku mabunobuna hake ai ae gaahi loloto, bea oku to‘i ae hahau mei he gaahi ao.

¶ 21 E hoku foha, oua naa ke tuku ke mole atu ia mei ho ao: tauhi ke mau ae boto mooni moe iloilo.

22 Bea e hoko ai ia koe moui ki he laumalie, moe teuga lelei ki ho kia.

23 Bea te ke toki alu lelei i ho hala, bea e ikai tūkia ho va‘e.

24 Oka ke ka tokoto ki lalo, e ikai te ke manavahe: io, te ke tokoto hifo, bea e melie hoo mohe kiate koe.

25 Oua naa ke manavahe ki ha mea fakailifia, oku fakafokifa mai, be ki he fakaauha oe agahala, oka hoko mai ia.

26 He ko ho falalaaga a Jihova, bea e fakahaofi eia ho va‘e ke oua naa efihia.

¶ 27 Oua naa taofi ae lelei mei ate kinautolu oku totonu ke atu ia ki ai, o kabau oku i ho nima hono mafai.

28 Oua naa ke behe ki ho kaugaabi, Alu, bea ke toe ha‘u, bea teu foaki ia kiate koe abogibogi; kae oji oku ke ma‘u be ae mea iate koe.

29 Oua naa ke filioi kovi ki ho kaugaabi, he oku ne nofo falala be kiate koe.

¶ 30 Oua naa fekuki mo ha taha tae hano uhiga, o kabau kuo ikai ke fai eia ha kovi kiate koe.

¶ 31 Oua naa ke meheka ki he tagata fakamalohi, bea oua naa ke fili ki hono gaahi hala oona.

32 He koe agahala oku fakalielia ia kia Jihova: ka oku i he maonioni a hono finagalo fufu.

¶ 33 Oku i he fale oe agahala ae fakamalaia mei a Jihova: ka oku ne tabuaki‘i ae nofoaga oe agatonu.

34 Koe mooni oku ne manuki‘i ae kau manuki: ka oku foaki eia ae lelei ki he agavaivai.

35 E ma‘u e he boto ae ogoogolelei: ka koe hakeaki‘i oe vale koe ma