¶ 1 AE fānau, mou fanogo ki he akonaki ae tamai, bea tokaga ke ilo ae boto.

2 He oku ou foaki ae akonaki lelei kiate kimoutolu, bea oua naa mou liaki a eku fono.

3 He koe foha au o eku tamai, koe bele moe ofeina taha be au i he ao o eku fa‘e.

4 Naa ne akonaki‘i foki au, o ne behe mai, Tuku ke ma‘u i ho loto a eku gaahi lea: tauhi a eku gaahi fekau, ka ke moui.

5 Ke ke ma‘u ae boto, bea ma‘u moe ilo: oua naa galo ia; bea oua naa ke fakaholomui mei he gaahi lea a hoku gutu.

6 Oua naa liaki ia, bea te ne fakamoui koe: ke ke ofa kiate ia, bea te ne tauhi kiate koe.

7 Koe boto koe mea oku fugani hake ia; koia ke ke ma‘u ae boto: bea i he mea kotoabe oku ke ma‘u, ke ke ma‘u moe ilo.

8 Fakahikihiki‘i ia, bea te ne hakeaki‘i koe: bea i hoo fāufua kiate ia, te ne fakaogoogolelei koe.

9 E ai eia ae teuga matamatalelei ki ho ulu: koe tatā oe nāunāu te ne foaki kiate koe.

10 E hoku foha, fanogo, bea ke ma‘u a eku gaahi tala, bea e hoko ai o lahi ae gaahi ta‘u o hoo moui.

11 Kuou akonaki‘i koe i he hala oe boto; bea kuou tataki koe i he gaahi aluaga totonu.

12 Oka ke ka eveeva e ikai efihia ho va‘e; bea oka ke ka lele e ikai te ke higa.

13 Buke ke mau ae akonaki; oua naa tukuage ia: kuku mau ia; he ko hoo moui ia.

¶ 14 Oua naa ke alu atu ki he hala oe agahala, bea oua naa eveeva i he aluaga oe kakai agakovi.

15 Fakaehiehi mei ai, oua naa ke ofi ki ai, tafoki mei ai, bea alu atu be.

16 He oku ikai te nau mohe, ka i he e nau lava‘i ae kovi; bea i he ikai te nau fakahiga ha niihi oku ikai ai te nau faa mohe.

17 He oku nau kai ae ma oe fai kovi, e nau inu i he uaine oe fakamalohi.

18 Ka koe hala oe agatonu oku tatau ia moe ulo oe māma, aia oku ajili be ene ulo o a‘u ki he haohaoa oe aho.

19 Oku tatau moe bouli ae hala oe agahala: oku ikai te nau ilo aia oku nau tūkia ai.

¶ 20 E hoku foha, tokaga ki he eku gaahi lea; fakatokaga‘i ho teliga ki he eku gaahi tala.

21 Ke oua naa mole atu ia mei ho mata; ke ma‘u ia i he kakano o ho loto.

22 He koe moui ia kiate kinautolu oku ma‘u ia, bea koe faitoo ki ho nau kakano.

¶ 23 Ke ke tauhi fakamatoato ki ho loto; he oku tubu mei ai ae ikuaga oe moui.

24 Ke liaki ke mamao iate koe ae gutu oku kovi, moe lougutu baogataa.

25 Ke jio totonu atu be ho mata, bea ke hagatonu ki mua ho laumata iate koe.

26 Fakakaukau ki he aluga o ho va‘e bea e fakatonutonu ai ho gaahi hala kotoabe.

27 Oua naa afe ki he nima toomatau be ki he toohema: ka ke fakatafoki ho va‘e mei he kovi.