¶ 1 E HOKU foha, tokaga ki he eku boto, bea ke fakaogo ho teliga ki he eku ilo:

2 Koeuhi ke ke tokaga‘i ae fakabotoboto, bea ke ma‘u be i ho lougutu ae ilo.

¶ 3 He oku to‘i ae lougutu oe fefine muli o hage koe geeji oe honi, bea oku molemole lahi hake i he lolo a hono gutu:

4 Ka oku tatau moe kona ii a hono ikuaga, o majila o hage ha heleta fakatoumata.

5 Oku alu hifo hono va‘e ki he mate, oku fakatau atu a ene gaahi laka ki heli.

6 Bea telia naa ke fakakaukau ki he hala oe moui, oku fakafihi eia hono gaahi aluaga, ke oua naa ke ilo‘i ia.

7 Koia ae fānau, ke mou fanogo kiate au, bea oua naa mou he mei he gaahi lea a hoku gutu.

8 Ke fakamamao aubito ho hala meiate ia, bea oua naa ke ofi ki he mataba o hono fale:

9 Telia naa ke foaki ho ogolelei ki ha kakai kehe, bea mo ho gaahi ta‘u ki he kakai loto fakafajifaji:

10 Telia naa bito ae kau muli i ho malohi; bea e i he fale oe muli hoo gaahi gaue;

11 Bea ke tagi mamahi amui, oka kai o oji ho kakano mo ho jino,

12 O ke behe ai, Oiaue, nae lahi eku fehia ki he akonaki, bea nae manuki‘i e hoku loto ae valoki;

13 Bea nae ikai teu talagofua ki he le‘o o hoku kau akonaki, be fakatokaga‘i hoku teliga kiate kinautolu naa nau ako kiate au!

14 Naaku meimei kau i he kovi kotoabe i he lotolotoga oe haohaoga moe fakatahaaga.

¶ 15 Inu ae vai mei ho leba be oou, moe vaitafe mei he vai keli be oou.

16 Ke tafe atu ho gaahi magamaga‘i vai, moe vaitafe oe gaahi vai ki he gaahi hala.

17 Ke tuku ia ko hoo mea aau be, bea oua naa kau ai mo koe ha muli.

18 Ke monuia ho matavai: bea ke fiefia koe i ho unoho  aia naa ke ma‘u i hoo kei talavou.

19 Ke tatau be ia moe hainite ofa moe kaseli fakaofoofa; bea ke fiemalie mau ai be koe i hono fatafata; bea ke fakafiefia‘i koe i he aho kotoabe i he ene ofa.

20 E hoku foha, koeha ka ke ka he ai i he fefine muli, bea fāufua ki he fatafata oe muli?

21 He oku tokaimaanaga i he ao o Jihova ae gaahi hala oe tagata, bea oku vakai eia a hono gaahi aluaga.

¶ 22 E moua ae agahala i he ene gaahi hia aana, bea e ha‘ijia aki ia ae afo o ene agahala.

23 E mate tae akonekina ia; bea e he ia koe mea i he lahi o ene vale.