¶ 1 KUO laga e he boto a hono fale, bea kuo ne ta mai a hono bou e fitu:

2 Kuo ne tamate‘i ene faga manu; kuo ne hu‘i ene uaine; kuo ne teuteu foki hono keinagaaga.

3 Kuo ne fekau atu ene kau kaunaga; oku kalaga ia mei he gaahi botu maoluga oe kolo,

4 Kohai ia oku tae boto ke afe mai ia ki heni: bea oku lea ia, o behe, kiate ia oku tae ilo,

5 Ha‘u, o kai i he eku ma, o inu i he uaine kuou hui‘i e au.

6 Liaki ae kau vale, ka ke moui; bea ke alu i he hala oe faa ilo.

7 Koia oku valoki ki he tagata manuki oku fakama ai ia: bea oku bani uli ia aia oku ne valoki‘i ae tagata agakovi.

8 Oua naa valoki ki he tagata manuki, telia naa ne fehia kiate koe: takitala‘i ae tagata boto, bea e ofa ai ia kiate koe.

9 Ako ki he tagata boto, bea e ajili ai ene boto: akonaki‘i ae agatonu, bea e tubulekina ai a ene ilo.

10 Koe manavahe kia Jihova koe kamataga ia oe boto: bea koe ilo oe maonioni koe fakakaukau boto ia.

11 He koe mea iate au e fakalahi ho gaahi aho, bea e fakalahi moe ta‘u o hoo moui.

12 Kabau koe boto koe, oku ke boto be maau: ka ke ka taukae, ko koe be te ke ogo‘i ia.

¶ 13 Oku faa logoaa ae fefine vale: oku tae boto ia, oku ikai te ne ilo ha mea.

14 He oku nofo ia i he mataba o hono fale, i he hekaaga i he gaahi botu maoluga oe kolo,

15 Ke ui ki he kakai fonoga, akinautolu oku alu totonu atu i ho nau hala:

16 Kohai ia oku tae boto, ke afe mai ia ki heni: bea oku ne lea, o behe kiate ia, oku tae ilo,

17 Koe vai oku kaihaaji oku melie ia, bea oku ifoifo lelei ae ma oku kai fakafufu.

18 Ka oku ikai ke ne ilo oku i ai ae mate; bea oku i he loloto o heli ae kakai kuo ne fakaafe.