Hoko ʻo Anga Faka-Kalaisi Ange
“Pea tala ange ʻe Sīsū kiate ia, Ko au ko e hala, mo e moʻoni, pea mo e moʻui” (Sione14:6).
ʻE tokoni ʻa e ngaahi fokotuʻutuʻu ʻo e ʻiuniti ko ʻení ki he kau talavoú ke nau ako mo fakatupulaki ʻa e ngaahi ʻulungaanga faka-Kalaisí. Kuo fekauʻi kotoa kitautolu ʻe Sīsū Kalaisi, “Ke mou haohaoa ʻo hangē pē ko aú, pe hangē ko e haohaoa hoʻomou Tamai ʻa ia ʻoku ʻi he langí” (3 Nīfai 12:48). ʻE tokoni hono fakatupulaki ʻe he kau talavoú e ngaahi ʻulungaanga ʻo Kalaisí ke fakahoko ʻa honau ngaahi fatongia ʻi heʻenau maʻu ʻEne lakanga fakataulaʻeiki māʻoniʻoní. Te nau fie maʻu ʻa e ngaahi ʻulungaanga ko ʻení ʻi heʻenau fehangahangai mo e ngaahi faingataʻa ʻo ʻenau moʻui ʻi ha ngaahi taimi fakatuʻutāmakí pea ʻi heʻenau teuteu ke ngāue fakafaifekau taimi kakato mo ohi hake ha ngaahi fāmili māʻoniʻoni ʻi he kahaʻú.
Ngaahi Fokotuʻutuʻu ke Fili mei ai ʻi he Māhiná Ni
Mutualé
Fakakaukau ki he founga te ke lava ai ʻo palani ha ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.
Fatongia ki he ʻOtuá
ʻOku fekauʻaki ʻa e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení: