Parofita kei na iVakatakila
“Keimami vakabauta na veika sa vakatakila oti na Kalou, na veika sa vakatakilai mai oqo, ka keimami vakabauta ni na levu tale na ka ena qai vakatakilai mai me baleta tiko ga na Matanitu ni Kalou” (Yavu ni Vakabauta 1:9).
Na ituvatuva era tiko ena tabana oqo ena vukei ira na cauravou yadua me ra kila na domo ni Turaga ena gauna e vosa mai kina vua mai na ivolanikalou, mai vei ira na parofita kei na iapositolo bula, kei na nona ivakatakila mai vua na Yalo Tabu ki yalona kei na nona vakasama. E oka ena ivolanikalou na ivakaro ki na lewe ni matabete me “gumatua ni muria na ivakavuvuli ni bula tawamudu” ka “muria na vosa kecega sa lako mai na gusu ni Kalou” (Vunau kei na Veiyalayalati 84:43–44). Ena tabana oqo, sa rawa mo vukei ira na lewe ni kuoramu mera muria na ivakasala oqo ka vakauqeti na yalodra mera taleitaka na vosa ni Kalou.
Me vakayacori na iTavi Vua na Kalou me tiki ni soqoni ni kuoramu ena Sigatabu, sa rawa ni o vakananuma mo vakatavulica na ituvatuva ni iTavi Vua na Kalou e ra ena gauna ni iwase oqo.
iTuvatuva mo Digidigi mai Kina ena Vula Oqo
Muavata
Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawa ni iTaviqaravi ni iTabagone ni Lotu sa vakarautaki tu me vukei iko. E vuqa vei ira na itaviqaravi vakavuli ena idusidusi oqo era rawa talega ni na veivuke vinaka sara ena veitaviqaravi ni Muavata. Cakacaka vata kei iratou na mataveiliutaki ni kuoramu mo digitaka ka tuvana na veitaviqaravi matau e na vaqaqacotaka vinaka na veika era vulica na cauravou ena Sigatabu.
iTavi Vua na Kalou
Na veiwase oqo mai na ivola iTavi Vua na Kalou era semati ki na veilesoni ena tabana oqo:
“Masulaka ka Vulica na iVolanikalou,” draunipepa 14–15, 38–39, 62–63