Meu na ciqoma vakacava na noqu ivakatakila?

Sa lavaki tu kivei keda yadua na ivakatakila me noda me dusimaki kina na noda bula. Ena kena gadrevi me ciqomi na ivakatakila yadua, e dodonu meda vakavakarau ena noda bula kilikili tiko ka vulica na ivolanikalou ka vakanananutaka vakatitobu. Kevaka meda na vakasaqara ka kerekere, ena vakatakila mai na Kalou na Lomana kivei keda mai vua na Yalo Tabu.

Mo vakarautaki iko vakayalo

O na kila vakacava ni ko sa ciqoma e dua na nomu ivakatakila? Sa vakalougatataki vakacava na nomu bula ena nomu vulica mo kila na nomu ivakatakila?

Na cava e bibi kina vei ira na cauravou mera kila vakavinaka na sala mera ciqoma kina na nodra ivakatakila? Era na vukei vakacava mai na nodra ivakatakila na lewe ni Matabete i Eroni mera vakayacora na nodra itavi ni matabete? O na vukei ira vakacava mera kila na nodra dui ivakatakila?

Ni ko vakavakarau, vulica ena masumasu na ivolanikalou kei na ivurevure oqo. Na cava o sa vakauqeti kina mo wasea vei ira na cauravou?

1 Tui 19:9–12; Ilamani 5:30; V&V 6:14–16, 23; 8:2–3; 11:12–14 (Na sala e dau vosa kina vei keda na Yalotabu)

Joni 14:26–27 (Sa rawa ni vukei keda na Yalo Tabu meda nanuma tiko na veika eso ka vakila na vakacegu)

Ica 2–3; V&V 9:7–9 (Na ivakatakila ki na tamata yadua e dodonu me salavata tiko kei na noda vakanananu kei na vuli ivolanikalou)

Ronald A. Rasband, “Meda Sa liutaki Tu,” Ensign se Liaona, Me 2017, 93–96

Henry B. Eyring, “Tomani Tiko na iVakatakila,” Ensign se Liaona, Nove. 2014, 70--73

Richard G. Scott, “ Na Sala Mo Taura Kina na iVakatakila kei na Veivakauqeti ni Nomu Bula,”Ensign se Liaona, Me 2012, 45–47

“Vulica mo Vakila na Veivakauqeti Vakayalo,” Vunautaka na Noqu Kosipeli(1999), 106–107

“iVakatakila,” Tudei ena Vakabauta (2004), 33--37

Vidio: “Patterns of Light: Spirit of Revelation,” “ Hearing His Voice”, “Face to Face with President Eyring and Elder Holland: How can I tell the difference between the Holy Ghost and my emotions?” “Face to Face with President Eyring and Elder Holland: How can I feel the Holy Ghost more often?”

Veivakavulici ena ivakarau ni iVakabula

E veisureti tiko na iVakabula vei ira era dau muri Koya me ra cakacaka ena vakabauta ka bula voli ena dina e vakavulica o Koya. E raica matua me vukei ira na Nona tisaipeli mera bulataka na kosipeli ena yalodra taucoko ena Nona vakarautaka vei ira na gauna ni vuli-ka kaukauwa. O na vakavulici ira vakacava na cauravou mera cakacaka ena vakabauta ka bula voli ena dina era sa vulica?

Veisemati ni iTaviqaravi ni iTabagone

Tuva e dua na itaviqaravi ni Muavata ka na vukei ira na cauravou me ra vakayagataka na veika era vulica ena lesoni oqo.

Raica mera veiliutaki na cauravou

Ena veiliutaki ena soqoni ni kuoramu e dua na lewe ni mataveiliutaki ni kuoramu. Ena liutaki ira na cauravou mera veivosakitaka vata na veika me baleta na cakacaka ni kuoramu, vakavulica vei ira na nodra ilesilesi ni matabete (mai na ivolanikalou vata kei na ivola iTavi Vua na Kalou), ka sureta e dua na daunivakasala se dua tale na lewe ni kuoramu me vakavulica e dua na lesoni ni kosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakasama oqo se vakasamataka ga na nomu vakai iko, mo raicalesu kina na lesoni ni macawa sa oti ka mo vakaraitaka kina na lesoni ni macawa oqo:

E sa vakayaco-ka vakacava na lesoni ni macawa sa oti ki na nodra bula na cauravou? Na veika vou cava era sa vakayacora ena vuku ni veika era sa vulica? Na veivakalougatataki cava sa kauta mai na nodra cakacaka oqo?
Vola ena vava ni volavola “Au kila niu sa ciqoma tiko na noqu ivakatakila ena gauna __________.” Tarogi ira na cauravou ena sala era na vakacavara kina na yatuvosa oqo. Sureti ira mera vakasamataka tikoga vakatitobu na itukutuku oqo ena gauna ni lesoni ka mera vakasaqara na ikuri ni kena isau.

Vulica vata

Na itaviqaravi yadua e ra ena vukei ira na lewe ni kuoramu mera kila vakavinaka na sala mera ciqoma kina na nodra ivakatakila. Muria na veivakauqeti ni Yalotabu, digitaka e dua se sivia ka na ganita na nomu kuoramu:

Sureti ira na cauravou mera sarava na vidio oqo “Face to Face with President Eyring and Elder Holland: How can I tell the difference between the Holy Ghost and my emotions?” and “Face to Face with President Eyring and Elder Holland: How can I feel the Holy Ghost more often?” Na cava e rau vakatura tiko o Peresitedi Eyring kei Elder Holland me vukei keda meda kila na kedrau duidui na veivakauqeti ni Yalo kei na vakanananu ni lomada? Na cava era nanuma na cauravou na ibalebale ni “yalo vakanomodi,” me vaka e vakamacalataka tiko o Peresitedi Eyring? Sureti ira na cauravou mera wasea na sala era rawa ni vakayagataka kina na ka era sa vulica me tukuni vua e dua na itokani era taroga vata tiko na veika e veivosakitaki tiko ena vidio.
Vola e va na kolomu ena vava ni volavola mo vola kina na va na ivakamacala ena vosa nei Elder Ronald A. Rasband’s talk “Meda Sa liutaki Tu” me ulutaga. Me talevi vata na wase yadua, ka sureti ira na cauravou mera vola ena kolomu na vakatutu nei Elder Rasband mera na cakava mera ciqoma kina na ivakatakila kivei ira yadua. E dua beka ena nomu tabanalevu e imatai ni dauveivukei, me vakataka na daubokobuka se ovisa? Ke tiko, sureti koya me mai vakamacala ki na kuoramu na ibalebale ni imatai ni dauveivukei ena veiqaravi totolo vakavuniwai se tavuki ni vanua. E dau vakavakarau beka vakacava me veivuke ki na veimataqali leqa vakaoqo? Kerei ira na lewe ni kuoramu mera veivosakitaka na ka era sa vulica mai na veivosaki oqo baleta na ivakarau ni imatai ni veivuke vakayalo.
Ni wilika vata na imatai ni tolu na parakaravu ni vosa nei Peresitedi Henry B. Eyring “Tomani Tiko na iVakatakila.” Tarogi ira na cauravou me baleta e vica na ituvaki a gadreva kina na ivakatakila o koya se dua e kila. Sureti ira na cauravou me ra wilika se sarava na iwase eso ni vosa nei Peresitedi Eyring ka wasea na veika era vulica. Sureti ira me ra vakananuma vakatitobu na veika era na cakava me ra vakasaqara kina na ivakatakila yadua.
Vola ena papa ni volavola na tiki ni ivolanikalou e vakatututaki ena ituvatuva oqo. Lesia yadua vei ira na cauravou me ra raica na veika e vakavulica tiko na sala e dau veivosaki kina kei keda na Yalo Tabu. Mera vola na cauravou ena yasani ivolanikalou yadua na veika era raica ena papa ni volavola. Sureti ira na cauravou mera wasea na veika era sotava ena gauna a vosa kina vei ira na Yalo Tabu ena dua vei ira na sala oqo. Era a vakasaqara beka se ciqoma na nodra ivakatakila me dusimaki ira mera vakayacora na nodra itavi ni matabete? Sa rawa talega mo wasea e dua na ka o a sotava.
Cakava e dua na lavelave ni volakabi ena tabana e 96–97 ni Vunautaka na Noqu Kosipeli me ra yadua na cauravou. Sureti ira na cauravou mera raicalesu na volakabi kei na vakamacala ni nona dau veivosaki kei keda na Yalo Tabu. Kerei ira mera vola na gauna era sotava kina e dua na vakanananu, vakasama, se ivakaraitaki era vakamacalataki tiko ena ivolakabi. Sureta e vica na cauravou mera wasea ki na kuoramu na veika era sa vola. Sa rawa mo sureti ira na cauravou mera digitaka e dua na itaviqaravi ni vuli ena tabana e 100–102 ni Vunautaka na Noqu Kosipeli ka mera cakacaka vakayarurua, vakailawalawa lalai, se vakayadudua.
Vakaraitaka na vidio “Hearing His Voice,” ka kerei ira na cauravou mera raica eso na ka era cakava na cauravou ena vidio oqo mera vakavakarautaki ira mera ciqoma na nodra ivakatakila. Na cava eso tale na sala e rawa meda vakarautaki keda kina? (raica na 3 Nifai 17:2–3; V&V 9:7–8). Vakauqeti ira na lewe ni kuoramu mera ciqoma na bolebole a ra ciqoma na itabagone ena vidio, ka sureti ira mera wasea na veika era sotava ena soqoni ni kuoramu e tarava.

Kerei ira na cauravou me ra wasea na veika era sa vulica nikua. Era sa kila vakavinaka tiko beka na sala mera ciqoma kina na nodra ivakatakila? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me tauri vakalevu na gauna ena ivunau oqo?

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na veigauna a vakasaqara ka ciqoma kina na nona ivakatakila.
Sureti ira na lewe ni kuoramu mera vakasaqara na sala era na vakatorocaketaka kina na nodra veiqaravi ni matabete ena nodra vakasaqara na nodra ivakatakila.