Na Vukitani kei na Veivakalesui Mai

“Au sa vakatakila na noqu ivakavuvuli me vola ko Josefa na noqu tamata” (Vunau kei na Veiyalayalati 35:17).

Na ituvatuva ena iwasewase oqo ena vukei ira na goneyalewa me ra kila vinaka na Vukitani Levu kei na sala e vakalesuya mai kina o Jisu Karisito na Nona Lotu kei na taucoko ni Nona kosipeli mai vua na Parofita o Josefa Simici. Ena iwasewase oqo e rawa ni ra vulica kina na goneyalewa me baleta na veika bibi a yaco ena Veivakalesui mai ka kunea na veika vata oqori ena nodra bula.

Na vulici ni Vukitani kei na Veivakalesui mai e rawa ni vukei ira na goneyalewa me ra vakabibitaka ka marautaka na veidina bibi sa vakalesuya mai na Kalou ena noda gauna oqo. Na veika eso era na sotavi ena iwasewase oqo e rawa ni vaqaqacotaka na nodra ivakadinadina ni iVola i Momani, na ilesilesi ni Parofita o Josefa Simici, kei na nona loloma na Tamada Vakalomalagi me baleti ira na Luvena.

iTuvatuva mo Digidigi mai Kina ena Vula Oqo:

• Na cava e gadrevi kina na Veivakalesui mai?

• Na cava eda gadreva kina na iVola i Momani?

• A vakalesui mai vakacava na matabete?

• Na cava na itavi nei Josefa Simici ena Veivakalesui Mai?

• Na cava e bibi kina na iMatai ni Raivotu?

Muavata

Vakasamataka ka navuci ni so na itaviqaravi ka sala vata kei na veika era sa vulica tiko na itabagone. Na Mataveilawa ni iTaviqaravi ni iTabagone sa vakarautaki tu me vukei iko. E vuqa na itaviqaravi ni vuli ena ituvatuva oqo e rawa talega me itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi ena vaqaqacotaka na veika era a vulica na goneyalewa ena Sigatabu.