O Le Liliuese ma le Toefuataiga

“Ua ou auina atu le atoatoa o la’u talalelei e ala i le lima o la’u auauna o Iosefa” (Mataupu Faavae ma Feagaiga 35:17).

O otootoga i lenei iunite o le a fesoasoani i tamaitai talavou ia malamalama ai i le Liliuese Tele ma le ala na toefuatai ai e Iesu Keriso Lana Ekalesia ma le atoatoaga o Lana talalelei e ala mai i le Perofeta o Iosefa Samita. I lenei iunite o le a mafai ai e tamaitai talavou ona aoao e uiga i mea autu na tutupu i le Toefuataiga ma iloa ai le taua o nei mea na tutupu i o latou olaga.

O le aoao e uiga i le Liliuese ma le Toefuataiga e mafai ona fesoasoani i tamaitai talavou e faatauaina ma faafetaia mea moni paia na toefuatai mai e le Atua i o tatou aso. O aafiaga na latou maua i lenei iunite e mafai ona faamalolosia ai a latou molimau o le Tusi a Mamona, le misiona a le Perofeta o Iosefa Samita, ma le alofa o le Tama Faalelagi mo Ana fanau.

Otootoga e Filifili mai ai i le Masina Lenei

• Aisea na tatau ai ona i ai se Toefuataiga?

• Aisea tatou te manaomia ai le Tusi a Mamona?

• Na faapefea ona toefuatai mai le perisitua?

• O le a le matafaioi a Iosefa Samita i le Toefuataiga?

• Aisea e taua ai le Uluai Faaaliga?

Mutuale

Mafaufau pe mafai faapefea ona e fuafuaina gaoioiga ia e fesootai ma mea o loo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o le Mutuale. Galulue ma au peresitene o vasega e filifili ma fuafua gaoioiga talafeagai ia e faamalosia ai mea na aoaoina e tamaitai talavou i le Aso Sa.