E rawa vakacava meu va-Karisito vakalevu cake ena noqu veiqaravi vei ira na tani?

Sa biuta toka o Jisu Karisito na ivakaraitaki vinaka sara ni ivakarau ni loloma kei na veiqaravi vei ira era tu vakavolivoliti Koya. Ena papitaiso, eda yalataka me da qaravi ira na tani. E vuqa tu na sala e rawa ni da qaravi ira kina na tani me vaka a kitaka na iVakabula, me vaka noda vukei ira na lewe ni matavuvale, wasea na kosipeli vei ira na tani, kei na noda cakava na ivalavala rawarawa eso ni yalovinaka ena veisiga.

Mo vakarautaki iko vakayalo

Na cava o sa vulica mai na ivolanikalou me baleta na ivakarau ni nona qaravi ira na tani na Karisito? Na gauna cava beka o a sa vakalougatataki kina ena nodra veiqaravi va-Karisito eso tale? O sa vakamuria tiko beka vakacava na nona ivakaraitaki ni veiqaravi na iVakabula?

Na madigi cava beka ni veiqaravi e tu me baleti ira na goneyalewa? Na gauna cava o sa raici ira kina ni ra veiqaravi tiko ena vukudra eso? Na veika sotavi cava beka e rawa ni ra veiwaseitaka? Ena tara beka vakacava na nodra matavuvale ni ra segata na goneyalewa me ra veiqaravi vakalevu cake ena vukudratou?

Na ivolanikalou kei na ivurevure cava tale beka ena vukei ira na goneyalewa me ra kila deivaki na bibi ni nodra qaravi ira na tani me vaka a vakayacora na Karisito?

Maciu 14:13–21; Joni 9:1–7; 13:4–5, 12–17; 1 Nifai 11:31; 3 Nifai 17:5–9 (iVakaraitaki kei Jisu Karisito ni qaravi ira tiko eso tale)

Maciu 20:27 (E vakavulica vei ira na Nona tisaipeli na iVakabula, ni o koya sa cecere duadua me dauveiqaravi ga)

Maciu 25:31–46 (Ni da qaravi ira na tani, eda sa qarava tiko na Kalou)

Luke 10:25–37 (Na kai Samaria dauloloma; raica talega na vidio ni iVolatabu “Parable of the Good Samaritan”)

5:12

Joni 13:34–35 (Sa dodonu me da dauloloma me vaka na nona loloma na iVakabula)

Mosaia 2:17 (E vakavuvulitaka na Tui o Penijamini ni da qaravi ira na tani, eda sa qarava tiko na Kalou)

Cheryl A. Esplin, “Sa Kerei Keda o Koya Meda Ligana,” Ensign se Liaona, Me 2016, 6–9

Michael T. Ringwood, “Sa Vinaka Dina ka Sega ni Lawaki,” Ensign se Liaona, Me 2015, 59–61

Thomas S. Monson, “Eda Sega ni Lako Duadua Voli,” Ensign se Liaona, Nove. 2013, 121-124

“Veiqaravi,” Me iSakisaki ni iTabagone (2011), 32–33

Vidio: “Rescuing Those in Need,”; “Time to Give,”; “For Madison,”; “Cheering Each Other On,”; “Opportunities to Do Good” “When Ye Are in the Service—YW”

5:2

3:50

4:8

4:50

4:1

3:8

Veivakavulici ena ivakarau ni iVakabula

Ena Nona gauna ni veiqaravi e vuravura, a lako voli ko Jisu Karisito ka veiqaravi ka veivuke voli vei ira era tu wavoliti Koya. O ira na tisaipeli dina i Karisito era dau vakayacora vakakina. E vakavuvulitaka na iVakabula, “A ka oqo era na kila kina na tamata kecega ni dou sa noqu tisaipeli, kevaka dou sa veilomani” (Joni 13:35). Ni o vakavulici ira tiko na goneyalewa, vakasaqara na madigi mo sureti ira me ra wasea na ivakarau era sa veiqaravi kina vei ira na tani kei na veika e vakauqeti ira me ra dauveiqaravi.

Wasea na veika o sa sotava

Ena itekivu ni veikalasi yadua, sureti ira na goneyalewa me ra wasea, vakavulica, ka vakadinadinataka na veika eso era sa sotava oti mai ena nodra bulataka na veika era vulica ena lesoni ni macawa sa oti. Oqo ena vakauqeta na saumaki ni tamata yadua ka na vukei ira na goneyalewa me ra raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se nomu nanuma eso mo vakamacalataka kina na lesoni ni macawa oqo:

Sureti ira na goneyalewa me ra wilika na Joni 13:34–35, ka kerei ira me ra vakaraica na iyaloyalo mai na Gospel Art Book se dua na mekasini ni Lotu ka vakaraitaka na iVakabula se so tale ni ra veiqaravi tiko ena loloma. Sureti ira me ra vakaraitaka na nodra iyaloyalo ki na kalasi ka vakamacalataka na veika era vulica mai na ivolanikalou me baleta na veiqaravi va-Karisito.
Sureti ira na goneyalewa me ra wasea na veika era sa sotava ena dua na gauna lekaleka ga oqo ni ra veiqaravi tiko vei ira na tani (vakauasivi o ira na lewe ni nodra matavuvale). A tarai ira vakacava na veiqaravi oqo? A tarai ira vakacava eso tale?
Tarogi ira na goneyalewa kevaka era sa bau vueti mada ena nodra bula vakayago ena dua na gauna ni dredre. E vakaevei beka na nodra nanuma me baleti koya na tamata a vueti ira? Sarava na vidio “Rescuing Those in Need,” ka sureti ira na goneyalewa me ra veivosakitaka na veika era sa vulica mai vei Peresitedi Monson me baleta na veiqaravi vei ira na tani me vaka e dau vakayacora na iVakabula.

5:2

Vulica vata

Na itaviqaravi yadua e ra ena vukea na nodra vakauqeti na goneyalewa me ra veiqaravi va-Karisito. Muria na veivakauqeti ni Yalotabu ena nomu digitaka e dua se sivia ka na ganita na nomu kalasi:

Ena nona vosa “Sa Kerei Keda o Koya Meda Ligana,” E talanoataka o Sister Cheryl A. Esplin e dua na iliuliu ni Goneyalewa ka a vakayaloqaqataki ira na goneyalewa yadua me ra gole yani ka “kilai ira ka qaravi ira na tani—kolotaka laivi na iloilo ka rai curuma na katuba leka.” Me ra vukei na goneyalewa me ra kila na ivakavuvuli oqo, sa rawa mo cakava na itaviqaravi e tukuni tiko ena vosa, ena kena vakayagataki e dua na iloilo kei na dua na ka e vakatakarakarataka e dua na katubaleka. Na cava era nanuma kina na goneyalewa ni sa ka bibi vei keda meda raici ira matua na tamata ka segai oi keda ni da veiqaravi yani? Sa rawa mo sureti ira talega na goneyalewa me ra vakasamataka vakatitobu ka vola na isau ni va na taro makataki tiko ena digo e taroga tiko o Sister Esplin ena icavacava ni nona vosa.
Kerei ira na goneyalewa mera vakasamataka na cava e uqeti ira na tamata mera veiqaravi. Cakava e dua na lisi ena papa ka qai vakilakila se veivakauqeti cava e va-Karisito kei na kena e vakavuravura. Sureti ira na goneyalewa mera railesuva na vosa nei Elder Michael T. Ringwood “Sa Vinaka Dina ka Sega ni Lawaki,” ni vakaraici na ka e vakavulica me baleta na veivakauqeti va-Karisito. Na ivakaraitaki cava e rawa ni ra vakasamataka na goneyalewa—mai na ivolanikalou se mai na veika era sa sotava oti—me baleti ira na tamata era a veiqaravi va-Karisito? Solia e dua na gauna vei ira na goneyalewa mera vola na vakavinavinaka vei ira era sa mai veiqaravi va-Karisito kivei ira.
Lesi ira yadua na goneyalewa me ra wilika e dua na ivolanikalou me baleta na veiqaravi mai na nona bula na iVakabula (me vaka na kena era vakaturi ena ituvatuva oqo), ka kerei koya me umana na italanoa ki na kalasi ka vakamacalataka na veika a vakayacora na iVakabula me qaravi ira kina na tani. Na cava a vakavulica na Nona ivakaraitaki na iVakabula me baleta na ibalebale ni veiqaravi? Sureti ira na goneyalewa me ra vakasamataka na sala eso e rawa ni ra veiqaravi kina va-Karisito ena nodra dui matavuvale.
Tarogi ira na goneyalewa, “Na cava na nona ivakavuvuli na iVakabula ena italanoa vakatautauvata ni kai Samaria dauloloma?” Ni wilika vata vakalasi, na italanoa vakatautauvata ni kai Samaria dauloloma ena Luke 10:25–37 (se sarava na vidio “The Good Samaritan”). Sureti ira na goneyalewa me ra wasea na italanoa ni gauna eso era a vakalougatataki kina mai na nodra veiqaravi Vakarisito eso tale. Na cava e dau dredre kina ena so na gauna na veiqaravi vei ira na tani (me vaka era a vakayacora na bete kei ira na Livai)? Na madigi cava soti e tu vei ira na goneyalewa me ra “lako, ka kitaka” me vaka a kitaka na kai Samaria dauloloma?

5:12
Sureti ira na goneyalewa mera wilika na italanoa kei Tiffany ena vosa nei Peresitedi Thomas S. Monson “We Never Walk Alone.” Vakaraitaka e dua se sivia na vidio ka vakaturi tiko ena ituvatuva oqo. Na cava e vakauqeti ira na goneyalewa me baleta na ivalavala ni veiqaravi ena vosa kei na vidio? Era a raica vakacava na tamata ena italanoa kei na vidio na gagadre me ia na veiqaravi? Solia vei ira na goneyalewa na gauna me vakasamataka vakatitobu ka wasea na ivakaraitaki vata vaqo era sa raica. Sureti ira me ra wasea na veika era vakauqeti me ra cakava ni ra vulica na ivakaraitaki oqo.

Kerei ira na goneyalewa me ra wasea na veika era sa vulica nikua. Era sa kila beka na ivakarau me ra veiqaravi kina va-Karisito? Na cava era sa vakila se nanuma kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Bulataka na ka eda vulica tiko

Sureti ira na goneyalewa me ra vakasamataka na sala me ra bulataka kina na veika era sa vulica nikua. Me kena ivakaraitaki, e rawa ni ra:

Vakacavara na veika sotavi ena yavunilewa ni Caka Vinaka ena Torocake Yadudua ka qai mai tukuna na veika era sa cakava ena kalasi ka tarava.
Tuva ka cakava e dua na cakacaka lailai ni veiqaravi, taudua ga se ena dua na itaviqaravi ni Muavata.

Wasea vata kei ira na goneyalewa na veika era na vulica tiko ena macawa mai oqo. Na cava beka na nodra vakasama se taro ena ulutaga oqo? Na cava e rawa ni ra cakava me ra vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa me ra bulataka na veika era sa vulica mai na lesoni oqo.