Lako mai, Mo Muri Au
Cava na vuna e bibi kina na veika au digitaka?

Cava na vuna e bibi kina na veika au digitaka?

Na Tamada Vakalomalagi e sa solia oti mai na galala ni digidigi, na dodonu meda digitaka ka cakava ga na ka eda via cakava. Ni noda tiko na galala meda digitaka ga na ka eda via cakava, eda na sega ni rawa ni digitaka na isau ni noda digidigi. Na digidigi dodonu ena muataki ki na marau tawayalani kei na bula tawamudu. Kevaka eda kerei Koya, na Tamada Vakalomalagi ena vukei keda ena noda digidigi vakavuku.

Mo vakarautaki iko vakayalo

Na cava soti o sa sotava oti ena nomu bula e sa vakavulici iko me baleta na galala ni digidigi? O sa vulica vakacava mo dau digitaka na veika vinaka ena nomu bula?

Na digidigi cava soti era sa sotava tiko na goneyalewa ena gauna oqo? Na cava o na rawa ni vakavulica vei ira mera raica kina na bibi ni digidigi vakayalomatua?

Vulica na tiki ni ivolanikalou ka koto oqo e ra, ka vakaotia e dua na ka e a sa sotavi mai ena Digidigi kei na Vakatulewa Vakataki Au ena Torocake Yadudua. Ni ko sa cakava, vola na veika o sa vulica me baleta na galala ni digidigi ka rawa mo na wasea kivei ira na goneyalewa.

Josua 24:15 (E rawa ni da digitaka meda qarava na Turaga)

Joni 14:15 (Na noda digidigi vinaka ena vakaraitaka na noda lomana na Tamada Vakalomalagi kei na noda gagadre meda talairawarawa Vua)

2 Nifai 2:16, 27; Ilamani 14:30–31 (Eda sa galala meda digidigi ka cakava na ka eda vinakata)

Moronai 7:14–15 (Sa soli vei keda meda vakatulewataka na ka vinaka mai na ka ca)

Gary B. Sabin, “Tu i Loma ka Tu Taucoko i Loma,” Ensign se Liaona, Me 2017, 52–55

Thomas S. Monson, “Digidigi,” Ensign se Liaona, Me 2016, 86

Carole M. Stephens, “Kevaka Dou sa Lomani Au, Dou Talairawarawa ki na Noqu Vunau,” Ensign se Liaona, Nove. 2015, 118–20; raica talega na vidio ni vosa qo “Going to Grandma’s”

4:3

D. Todd Christofferson, “Galala Vakaoti, mera Kitaka Vakaiira,” Ensign se Liaona, Nove. 2014, 16-19

“Digidigi kei na Vakatulewa Vakataki Au,” Torocake Yadudua, 46–49

“Galala ni Digidigi,” Tudei ena Vakabauta (2004), 19

“Galala ni Digidigi kei na Vakatulewa Vakaikoya,” kei na “iVakatagi kei na Danisi,” Me iSakisaki ni iTabagone (2011), 2–3, 22-23

Vidio: “No Regrets”; “Dangerous Tides”

5:39
NaN:NaN

Veivakavulici ena ivakarau ni Turaga

Na iVakabula a vakavulici ira tale eso mera dauveilomani ka dauveiqaravi ena nona lomani ira ka qaravi ira. E a vakavulici ira mera daumasu ena nona masu vata kei ira ka masulaki ira. A tukuna vei ira na Nona tisaipeli, “Ia lako mai, mo muri au” (Luke 18:22). A vakavulici ira na Nifai mera “vakataki au” (3 Nifai 27:27). Na nona iyaragi ni veivakavulici kaukauwa duadua sa ikoya na ivakaraitaki. Na cava o rawa ni cakava mo na veivakavulici kina ena ivakaraitaki?

Vidio: “Share Stories and Experiences”

3:40

Sarava eso tale

Wasea na veika o sa sotava

Ena itekivu ni veikalasi yadua, sureti ira na goneyalewa mera wasea, vakavulica, ka vakadinadinataka na veika eso era sa sotava oti mai ena nodra bulataka na veika era sa vulica ena lesoni ni macawa sa oti. Oqori ena vakauqeta na saumaki ni tamata yadua ka na vukei ira na goneyalewa mera raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se na nomu nanuma ga mo vakamacalataka kina na lesoni ni macawa oqo:

  • Sureti ira na goneyalewa mera vakasamataka e dua na ka era na cakava ni dua e bolea na nodra ivakatagedegede. Ena vakasesei keda vakacava o Setani me vakaseva na noda kila na revurevu ni noda digidigi? Vakauqeti ira na goneyalewa mera vaqara na dina ena lesoni ka sa vukei ira mera valuta rawa kina na lasu nei Setani.

  • Kerei ira na goneyalewa mera vola e so na digidigi era sa cakava oti. Sa tarai ira vakacava na nodra digidigi? Sa vakacava na kena revurevu kivei ira tale na so?

Vulica vata

Na itaviqaravi yadua e ra ena vukei ira na goneyalewa mera kila deivaki na ivunau ni galala ni digidigi. Muria na veivakauqeti ni Yalotabu ena nomu digitaka e dua se sivia ka na ganita na nomu kalasi:

  • Na cava o nanuma ni kena ibalebale meda “yalodina ena veika kece sara”? Na cava o nanuma ni ibalebale ni “tucake vakadodonu ka vorata”? Sureti ira na goneyalewa me ra wilika na ivakaraitaki kei na italanoa e vakayagataka o Elder Gary B. Sabin me vakamacalataka na veimalani vosa oqori ena nona vosa “Tu i Loma ka Tu Taucoko i Loma.” Na cava eso na ka vakayalo eda cakava tu na tamada eda sega ni cakava tu ena yaloda taucoko? Ena rawa vakacava meda digia me da “tu taucoko i loma” vakayalo? Ena ka marautaki me ra cakava na goneyalewa eso na ivola-kabi ka vakayagataka na malanivosa oqo “tu i loma” se “taucoko i loma” kei na ivakaraitaki e solia o Elder Sabin. Ena rawa talega ni ra vakacuruma eso na nodra ivakaraitaki vakataki ira. 

  • Sureti ira na goneyalewa mera vakasaqara e va na wase katabuto na kena matanivola ena vosa nei Sister Carole M. Stephens “Kevaka Dou sa Lomani Au, Dou Talairawarawa ki na Noqu Vunau,” na veivakararamataki ni kena maroroi na vunau kei na vuna me vakayacori na digidigi dodonu. Ena veivakadonui nei bisopi, sureta eso na marama ivakaraitaki vinaka ena tabanalevu mera mai vakaitavi ena dua na mataveivosaki me vakaraitaka ni sa  vakalougatataki na nodra bula ena vuku ni nodra maroroya na vunau. Mera oka talega ena veivosaki oqo o ira na marama sega ni vakamau kei ira sa vakamau.

  • Vakaraitaka na vidio “Going to Grandma’s,” ka sureti ira na goneyalewa me ra wasea na veika era sa vulica mai na vidio. Sureti ira me ra vakasaqara e va na wase katabuto ena vosa nei Sister Carole M. Stephens “Kevaka Dou sa Lomani Au, Dou Talairawarawa ki na Noqu Vunauna veivakararamataki ni kena maroroi na vunau kei na vuna me vakayacori na digidigi dodonu. Ena veivakadonui nei bisopi, sureta eso na marama ivakaraitaki vinaka ena tabanalevu me ra mai vakaitavi ena dua na mataveivosaki me vakaraitaka ni sa vakalougatataki na nodra bula ena vuku ni nodra maroroya na vunau. Me ra oka talega ena veivosaki oqo o ira na marama era se sega ni vakamau kei ira sa vakamau.

    4:3

  • Sureti ira na goneyalewa mera cakava e dua na Digidigi kei na Vakatulewa Vakataki Au ni veika sotavi ena yavunilewa e gadrevi ena ivola Torocake Yadudua (vakaikoya se vakailawalawa). Ni bera ni cava na kalasi, sureti ira yadua na goneyalewa me wasea na veika e sa vulica mai na nona vulica na galala ni digidigi. Sureta e dua na goneyalewa me wasea ki na vo ni kalasi na ka e sa cakava vakaikoya me vakacavara kina e dua na veika sotavi ena yavunilewa e gadrevi ena Digidigi kei na Vakatulewa Vakataki Au.

  • Sureti ira yadua na goneyalewa me wilika lo na “Galala ni Digidigi kei na Vakatulewa” ena Me iSakisaki ni iTabagone  ka qai wasea na ka a tarai koya. Sa na rawa vei ira na lewe ni kalasi mera digitaka e dua tale na ivakatagedegede mai na ivola ka qai wasea eso na nodra digidigi ka semati ki na ivakatagedegede kei na veivakalougatataki e rawa mai na nodra digidigi. Me vakataka, ni sa rawa mera wilika na “iVakatagi kei na Danisi” ena Me iSakisaki ni iTabagone ka veivosakitaka na veivakalougatataki era sa ciqoma mai na ivakasala mera drotani mai na ivakatagi kei na danisi vakatani.

  • Solia ki na goneyalewa yadua na tiki eso ni vosa nei Elder D. Todd Christofferson “Galala Vakaoti, Mera Kitaka Vakai Ira” se na vosa nei Peresitedi Thomas S. Monson “Digidigi.” Sureti ira na goneyalewa mera wilika vakai ira ka wasea na veivakararamataki era vakauqeti kina. Oqo e rawa ni ra cakava ena ilawalawa lalai se na kalasi taucoko. Na cava era sa vulica me baleta na isau ni noda vakadinata kei na cakacaka? Sureti ira mera veivosakitaka na iwalewale e rawa ni vukei ira kina na ivakasala era vulica mera digidigi vakavinaka cake kina.

  • Sureti ira na goneyalewa mera vaqara e dua na ivakaraitaki ni dua ka a digidigi ena ivolanikalou (me ivakaraitaki, veidutaitakavata kei na nodrau o Meri kei Marica ena Luke 10:38–42). Na cava na revurevu ni digidigi oya? E tarai ira vakacava eso tale na digidigi o ya?

  • Vakaraitaka e dua na vidio e vakaturi tiko ena ituvatuva oqo. Sureti ira na goneyalewa mera vakaraica na revurevu ni nodra digidigi na tamata ena vidio. Kerei ira mera wasea na veika era sa raica. Sureti ira mera wasea na veika era sotava ni ra sa digidigi kei na kena revurevu mai muri. Sureti ira yadua na goneyalewa mera wilika e dua vei ira na ivolanikalou e tiko ena ituvatuva oqo ka qai wasea na sala e rawa ni vukei kina me na digidigi donu ena veisiga sa tu e matana.

Kerei ira na goneyalewa mera wasea na veika era sa vulica nikua. Era sa kila deivaki li na ivunau ni galala ni digidigi? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me tauri vakalevu na gauna ena ivunau oqo?

Bulataka na ka eda vulica tiko

Sureti ira na goneyalewa mera vakasamataka na sala mera bulataka kina na veika era sa vulica nikua. Me kena ivakaraitaki, e rawa ni ra:

  • Mera vola ena nodra volaniveisiga na veitemaki era sotava kei na sala mera vorata rawa ena veidusimaki ni Yalo Tabu.  

  • Tomana na caka ni Digidigi kei na Vakatulewa Vakataki Au ena Torocake Yadudua.

Wasea kei ira na goneyalewa na ka era na vulica ena macawa mai oqo. Na cava e rawa ni ra cakava mera vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa mera bulataka na veika era sa vulica mai na lesoni oqo.