Na Yavu ni Veivakabulai

“Raica, oqo na inaki kei na lagilagi ni noqu cakacaka—me tucake tale mai na mate na tamata kecega ka rawata na bula tawamudu” (Mosese 1:39).

Ena levu sara na digidigi dredre me ra na vakayacora na goneyalewa ena rawarawa ena gauna sa kila kina na yavu ni veivakabulai. Ni kila o koya ni a bula vata tu mai kei na Tamada Vakalomalagi ni se bera ni mai sucu, ka sa vakauti mai eke ena dua na inaki vakalou sa na vukei koya me raica ena rai vakayalo na dredre kei na bolebole e dau sotava. Ni kila ni sa marama ka tu vua na iyaragi ni rawaka me na tawamudu sa na rawa ni vukei koya me vakarautaki koya ki na nona veisiga ni mataka. Ni kilai ni sa dua na isolisoli na galala ka na saumitaro o koya ki na nona veidigidigi sa rawa ni vakauqeti koya me cakava na vakatulewa ka okati ena ivakavuvuli tawamudu.

iTuvatuva mo Digidigi mai kina ena Vula Oqo

iTukutuku vei qasenivuli

Ko na rairai gadreva mo sureti ira na goneyalewa mera droinitaka eso na ivakatakarakara se droini ni yavu ni veivakabulai ena itekivu ni lesoni oqo. E rawa ni qai raici lesu tiko ena gauna taucoko ni lesoni ka qai vakuria na kena tiki ni ivolanikalou se veika e vulici kina ena nodra vulica na yavu ni veivakabulai.

Muavata

Vakasamataka na navuci ni so na itaviqaravi ka salavata kei na veika era sa vulica tiko na itabagone. Ena mataveilawa ni iTaviqaravi ni iTabagone ni lotu e sa vakarautaki tu me vukei iko. E vuqa na itaviqaravi ni vuli ena ituvatuva oqo e rawa talega me itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi ena vaqaqacotaka na veika era a vulica na goneyalewa ena Sigatabu.

Torocake Yadudua

Na itaviqaravi mai na Torocake Yadudua ena veiwekani sara kei na lesoni mai na iwasewase oqori:

Veika e sotavi ena Kequ Yaga Yadua 1
Digidigi kei na Vauci me Savasava kei na vei cakacaka e yaga
Veika e sotavi ena iValavala Dodonu 1 kei 2